تعرض موقع وزارة الداخلية السودانية اليوم لإختراق من قبل بعض هكرز تمكنوا من الإستيلاء علي الموقع وتوجيه رسالة للبشير وهذا نص ما تم عرضه عبر صفحات الموقع
[divide style=”2″]
|| THIS SITE OWNED BY ||
..::|SUDAN SECURITY TEAM|::..
::رسالة إلي الرئيس عمر احمد البشير::
هل تعلم مايفعله وزراءك وسفراءك ؟؟
إذا كنت تعلم وأيدته مايفعلون أو لم تحرك ساكنا فان نصر الله قريب فترغب نهاية ألقذافي
أما إذا كنت لأتعلم فها قد أبلغناك ماذا أنت فاعل ؟؟
لعنة علي كل مفسد لم يؤدي عمله بكل صدق وإخلاص
فسادكم طفح لمن أتدفق حسابات في البنوك وأولادكم آخر رفاهية ودلع
وباقي الشعب المسكين ؟؟ شعب شنو ؟
اقرب دليل علي الفساد انو أنا طالب حاليا بالخارج شفته بعيني البسالني
منها ربنا بعض الطلب ابواتهم سفراء إيجار الشقق القاعدين فيها
والمصحف الشريف اكتر من الحواله البتصلني من تعب أبوي
ربنا يدي الصحة والعافية ويطول في عمرو
وباقي الشعب المسكين ؟؟ شعب شنو ؟
طيب أنا أسي ذنبي شنو ؟؟ متغرب 4 سنة تعليم بالخارج
ولا مره فكرته اجي زيارة أشوف أهلي في الاربعه سنة دراسة
حقيقة ماكان باليد حلية .. ماحبيت اضغط علي أبوي وأنا عارف ظروفوا
اسي أتخرجنا والحمد لله ورفعت رأسهم وكدا ممكن امسك
مسؤولية البيت وأشيل الحمل عن أبوي
طيب الحل شنو ؟؟ الحل أتغرب تاني ياخي مافيها شي ^_^ لي أتغرب ؟؟
عشان مافي شغل الا بواسطه :) يعني في واسطه في شغل مافي واسطه
مافي شغل فهمته كدا
وباقي الشعب المسكين ؟؟ شعب شنو ؟
خارج النص :
إذا موقع وزارة الداخلية الالكتروني مافيو ذرة حماية
ليو حق ابو ريالة يقول الدفاع بالنظر
لك الله ياوطني
Don't Panic it's The Reality
GREETS TO TEAM MEMBERS
IX3-H & MR.SP!DER
CONTACT ::
www.facebook.com/outl4w.hacker
كل الكلام القالوا اخونا الهكرز صحيح 100% …. البرلمان عايز يرفع الدعم من المحروقات لصالح الوزراء والبرلمانين .. هو غيرهم ارهقوا الميزانيه … المواطن المسكين الله ليهو وحسبنا الله ونعم الوكيل
عـــــــــــــــــــــــــــــــــــــــــــــــــــــــــــــــيــــــــــــــــــــــــــــــــب
دخل المتمردين هجليج وكمان كاودا وكمان الخرطوم وكمان وكفن دبي
واخير ااا وليس اخراااااااااااا موقع وزارة الداخليه
هل الداخلية بتاعة الملابس وزارة الشرطة ياناس ياتووووووووووووووووو ……………….
هههههههههههههههههههههههه جااااااااااااااااااامد يامان …
لكى نكون واقعيين شويه هو من واجب الرئيس والوزراء والبرلمانين والخ اخر من الموسؤلين من الدوله بان تكون الشفافيه ثم الشفافيه وكيفية التعامل مع الواطن البسيط وكل الشعب السودانى ناس بسطاء وطيبين ولكن ولاسف الدوله لم تستفد من تلك الموروثات الثقافيه العالبه وبامثل يجب تبيسيط كافه اجرارت والخدمات للمواطن بدون كثرة القنوات والاتوات لو صح التعبير لانها اثقلة كاهل المواطن لمحدودية دخله وثانيا واصبح المواطن دوما يجرى ولا الخدمات بالتكلفه البسيطه لانه وضعه الاقتصادى بيسط وهل يعقل بان الحكومه كما يحلو التعبير المتداول وهل المشكله تحل فقط بالتموين الاصغر ويعتبر تلك الوسيله بداية السلم لان معظم السودانين تحت خط الفقر يا ناس المؤتمر الوطنى وهناك ناس يستقلون الاستثمارات ويدخلوا بيها السيارات للحصول على تخفيض جمارك للسيارات وباسم صاحب النشاط والمغترب ما قادر يتحصل على سيارة وشوف المفارقه وثانيا ترسل طرد صغير وزن 30 ك وفيه هدايا العيد المختلفه البريد ياخد 40ج والجمارك 150ج وده غير المواصلات وهل يعقل وشوف الدول الاخرى بالعكس تشجع المغتربين لييدخلوا كل شىء لخدمة بلدهم وبجمارك رمزيه لانها تدرك الفائده للمواطن وللبلد الا نحن نعمل ضد المواطن ونزيد عليه الاعباء واعملوا مسح وتجدوا كلامى صاح والله المستعن على الشعب السودانى فى الداخل والخارج وهناك الكثير يتطلب التغير والتطور والله الموفق
السلام عليكم ..
الاخوه الاعزاء .
سوف اقوم قريباً بالانتهاء من تحليل شخصية هذا الهكرز وسوف اقوم بمقاضاته جنائياً اذ انه قام بالاعتداء الغشيم علي موقعي الشخصي .
وانا لم يكن لدي دافع لاقوم بمساعده دائرة مكافحة الجرائم المعلوماتية ولكن الان وجدت الدافع والتبرير الذي يدفعني لاقدم ملفه الشخصي للسلطات .
وسوف اطالبه بالتعويض عن الضرر المادي الواقع علي المواقع والضرر النفسي .
هذا الشاب تم القبض عليه من قبل في جريمة وتم الحكم عليه مع وقف التنفيذ نسبه لعمره ولكن الان قد بلغ السن القانونية وسوف يواجه المسوؤلية كاملة ..
وربنا يسهل .. وحا يشوف شعاع ..
هل يقدر شعاع النور يوصل لابعد سما ؟؟
انا شمس في سماء الهندسة .. هذا شعاري