جديد المنتدى


العودة   منتديات المقرن السودانية > قسم الترفيه > منتدي الشعر والقصائد
اسم العضو
كلمة المرور
منتدي الشعر والقصائد أشعار - قصائد - نثر - وكل الابداعات الادبية
أهلا وسهلا بك إلى منتديات المقرن السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا

 
 
أدوات الموضوع إبحث في الموضوع انواع عرض الموضوع
#1  
قديم 09-25-2006
شريك جديد
zainalzaineen غير متواجد حالياً
لوني المفضل #4B7BC9
 رقم العضوية : 25
 تاريخ التسجيل : Sep 2006
 فترة الأقامة : 2913 يوم
 أخر زيارة : 11-14-2008 (02:17 PM)
 المشاركات : 4 [ + ]
 التقييم : 10
 معدل التقييم : zainalzaineen is on a distinguished road
بيانات اضافيه [ + ]
افتراضي الشاعر المبدع / عبدالله محمد خير




الشاعر المبدع /عبدالله محمد خير يعتبر من المنارات السامقة فى شعراء الشايقية وله العديد من القصائد التى يتغنى بها فنانى الشمال وقد شكل ثنائية رائعة مع الفنان كروان الشمال الاستاذ/ صديق احمد الذى تغنى بالكثير من روائع الاستاذ عبدالله محمد خير . اننا نتهز هذه السانحة وبمناسبة شهر رمضان الكريم نرفع الاكف الى الله سبحانه وتعالى ان يديم الصحة والعافية للمبدع الشاعر عبدالله محمد خير الذى كان طريح الفراش الابيض فى الفترة الماضية نسأل الله ان يعافيه ويشفيه من كل داء وسقم وان يمتعه بيلصحة والعافية .



يا قمره
صديق أحمد
عبدالله محمد خير

يا قمره ... صبي السنسني الحمره
شوفي أبوي أنا الراجاهو كلو صباح
يا زينوبه أبوكي هو أصلو حالو بره
لو قاري العلم هو ولاهو سيد خبره
ومو زول غربه لكن الظروف جابره
مالو إن كان صبر كل الخلوق صابره
والصابرات روابح لو يجن قماح

هو أصلو متين نساكم يُمة شان يطره
بيتنفس هوا ذكراكم العطره
رهيف إحساس حنين قلبو بالفطره
نديمو بقت دموعو الديمه منقطره
وأصلو إن ما قعد بينكم ولا بيرتاح

جاهو العيد كمان زاد القليب حسره
ساد العبره حلقو ونفسو منكسره
هو لا لمّ القروش لا حصل المسره
بلد ما فيها زول مات من عدم كسره
فراقكم ليها يا أحباب ولا كان صاح

يا أمارتي الما طاعت الأمره
ندماني وبقت محتاره في أمره
بعد قسن الدرادر قصرن عمره
الشوق فاض وعماها الحنين غمره
الشوق للبلد لي بهجته وسمره
الشوق لي مقيلا ضم ضم تمره
الشوق لي حديثا ضم ضو قمره
الشوق للبلد جابريتا وككره
كان الشوق يخفف والله يبرى جراح

مشتاق للحسيناب أسقه وبكره
مشتاق للقبيل إتربوا فوق حكره
مشتاق للدميري ومويته العكره
مشتاق للجزيري وتشقه وهكره
مشتاق لي قطع بحره ودخول وكره
مشتاق للأبي يفارق الفؤاد ذكره
مشتاق للعلى مشغول دوام فكره
مشتاق للصباح ديدن غناي شكره
وياريت كت بقدر أسوي شوقي جناح.




قديم 09-25-2006   #2
شريك جديد


zainalzaineen غير متواجد حالياً

بيانات اضافيه [ + ]
 رقم العضوية : 25
 تاريخ التسجيل :  Sep 2006
 أخر زيارة : 11-14-2008 (02:17 PM)
 المشاركات : 4 [ + ]
 التقييم :  10
لوني المفضل : #4B7BC9
افتراضي



--------------------------------------------------------------------------------

دروب الريد
صديق أحمد
عبدالله محمد خير

ريدكم لي شديد يا يابا ريدي أنا للبريدو شديد
إلا أنا ما معاكم ديمه لكن عن حبيبي بعيد
خلوني اللسافر أبوي لو كان في إجازة العيد
أمشي أزور حبيبي الغالي داير أوفي حق الريد
عشان يا يابا من يوم روح ما جاب لي منو بريد
وما قال لي وين يا زولي كيف عامل براك وحيد
ليشن يابا ما بترضوني ياني وليدكم الويحيد
خايف بكره ما تلقوني إلا تتلتولي القيد
شان شوق الحبيب مالكني والنار في ضلوعي تقيد
داير يابا أمشي وأزورو يمكن شوفتو لي تفيد
يابا عليك عطفك لي ما تخلوني أبكي شديد
ويابا إن كت بتدري البي ماب تأبى لي أبقى سعيد
يابا إن كت قادر أخلي كت خليتو بدري أكيد
زولاً حبو عاش في قلبي كيفن عن طريقو أحيد
كان يا يابا ما جربت تهواها الحسان الغيد
وكان يا يابا ما أشجاك صوت البلبل الغريد
وكان يا يابا ما ساهرت وعينيك ضاقن التسهيد
ما بتهتم بي أعذاري مهما أقول ومهما أعيد
دحين يا يابا ماك مشتاق وحيدك يبقى عندو وليد
يحوم في البيت ويلعب فيهو يمرح في براءه سعيد
يقول لي يمه يا حبوبه يا حبوبه عندي نشيد
يسعدني ويسر بال أمه ليك يا يابا يبقي حفيد
هاك يا يابا من أشعاري أبيات أنهكا الترديد
كم تاه في دروب الريده قلبي وكم نظم له قصيد.


 

قديم 09-25-2006   #3
شريك جديد


zainalzaineen غير متواجد حالياً

بيانات اضافيه [ + ]
 رقم العضوية : 25
 تاريخ التسجيل :  Sep 2006
 أخر زيارة : 11-14-2008 (02:17 PM)
 المشاركات : 4 [ + ]
 التقييم :  10
لوني المفضل : #4B7BC9
افتراضي



--------------------------------------------------------------------------------

حبل الصبر
عبدالله محمد خير
صديق أحمد

تلب أمسك حبل الصبر خلو قلبك لا يبقي ني
أصلو ود أب زيد كل يوم من بلدنا يرحل جدي
شن بسويلك عاد أنا القبلك الحرمان مر بي
والضنا الهسا عليك زاد من زمان أنا زايد علي
كم حبيبا شغل الفؤاد في العيون كان متل الصبي
حل بي (توفيق) السواد مافي زول قال كفاره لي
أرقى يا تلب ودعت قبلو كم قمره منوره
وكم تحف نادرات سافرن وكم فراشه وكم جوهره
وكم قلوب متلك بالفراق الأنين والشوق سهره
شوف عوض عبدون الحروف خل من باطنه ظاهره
يا عوض مدرسة الشعر بي جداره إياك ناظره
بي غناك حرف السين بقت فوق بنات جيله مبطره
سابك اللى بلد الجليد ودعك ودقّ مغادره
يا قلب مالك انجرح ولسه ليه جرحك مابره
أما أنا المسكين الطروف غرزت في أظافره
وين غناي لي شتل الجروف والجناين وأزاهره
أسألوا الدرويش عن صديق عمرو كم جمرات عاصره
خلو يحكيلكم عن حياه النجيفى الهو معاصره
الككر يا رحمن زمان ضاع مع العشاق شاعره
مانفع تغريدو الحزين ما نفع صدق مشاعره
جننو (البتوفيق) رحل وهام ورا القام بالباخره
خلا دنياهو فرندقس ما عرف أوله وآخره
أرقى يا رحمن في السماح مافي بلداً بتجاكره
الله مديها سماحه صاح من كروها ولى تكره
أصلو ود أب زيد معترف بي جريمتو ومو ناكره
كلو جور القال سفروها وقطع ليها تذاكره.


 

قديم 10-05-2006   #4
شريك مبدع


الصورة الرمزية سمراء
سمراء غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Sep 2006
 أخر زيارة : 09-01-2011 (01:31 AM)
 المشاركات : 3,709 [ + ]
 التقييم :  10
لوني المفضل : #4B7BC9
افتراضي







ياهلا بيك أخونا العزيز زين الزينين
ومشكور علي المشاركة الجميلة
في إنتظار إبداعاتك
يديك العافية




 
 توقيع : سمراء






قديم 10-05-2006   #5
مشرف سابق ::منتدى الصور ::
باكرنا نيل


الصورة الرمزية الجوكر
الجوكر غير متواجد حالياً

بيانات اضافيه [ + ]
 رقم العضوية : 7
 تاريخ التسجيل :  Sep 2006
 أخر زيارة : 01-24-2013 (05:44 PM)
 المشاركات : 2,500 [ + ]
 التقييم :  75
 الدولهـ
Sudan
 الجنس ~
Male
لوني المفضل : Gray
افتراضي



الله عليك يا رائع

ولسه مستنين منك الكتير


 
 توقيع : الجوكر

...
يسعدني أكونك من مطر .. ما شرط طينك يستجيب


انت الزائر رقم
لمواضيعى وردودى
مواضيع : الجوكر



قديم 03-19-2008   #6
شريك جديد


الحفراوي غير متواجد حالياً

بيانات اضافيه [ + ]
 رقم العضوية : 2330
 تاريخ التسجيل :  Feb 2008
 أخر زيارة : 06-21-2010 (12:42 PM)
 المشاركات : 1 [ + ]
 التقييم :  10
لوني المفضل : #4B7BC9
افتراضي



سلام بعد الإذن
حصلت على جزء صغير من شعر الرائع عبد الله محمد خير قالها (مدينة الرياض سوق المرقب) من سؤال وجه إليه
(أيش بتطالع) فقال :
بتسألي قيّ أيش يا أخي بتطالع
أطالع في قمر بهر خطف ساطع
أطالع في بدر فتق الخمار طالع
أطالع في القوام الأمرد الفارع
أطالع في جمر بيكي وبلاك والع
أطالع في النفس لو يبقى موو طالع


 

قديم 10-19-2008   #7
شريك جديد


الصورة الرمزية الحلنقي
الحلنقي غير متواجد حالياً

بيانات اضافيه [ + ]
 رقم العضوية : 11257
 تاريخ التسجيل :  Sep 2008
 أخر زيارة : 07-05-2009 (10:00 PM)
 المشاركات : 7 [ + ]
 التقييم :  10
لوني المفضل : #4B7BC9
افتراضي



عديلـة عليـك مـشاويـرك عديـلـه
عديلـة أن كان قـصيـرة ان كان طويلة
عديلـة علـيـك محـل ماتمشي تمشي
يـا عديلـه أبقيلـو زي الغيمـه رشـي
أما أنـا الهامانـي راحتـك أول الشـي
أنـت تأمـرني وعليي أمرك بيـمشي


 
 توقيع : الحلنقي

كسلا هبــــــــــــــــــــــــــة القاش


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تاريخ العسكرية السودانية الهاشمابي المنتدي السياسي 12 09-03-2010 05:06 PM
بهرو العالم امير الخيال منتدي الشعر والقصائد 0 04-30-2009 11:08 PM
اي زوووول مابعرف قصة التشهد يدخل علينا غزال ومايصيدونه المنتدي الاسلامي 8 10-28-2008 10:42 AM
من سحر القوافي (من غيرنا ) الشاعر محمد المكى إبراهي تاج العز منتدي الشعر والقصائد 4 06-21-2008 10:22 AM
عاجل مسؤول: عدد قتلى الطائرة السودانية المحترقة 120 منامية المنتدي السياسي 16 06-16-2008 04:16 PM


الساعة الآن 10:28 PM.


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
صفحة جديدة 1

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر منتديات المقرن

قوانين منتديات المقرن