المذيع والمايك

كنت ماشي سوق ستة دائما حنيني وعشق لهذا السوق وعندي افضل من ميدان عقرب ومن عفراء مول وسنتر الخرتوم وسوق ليبيا والمحطة الوسطي ام درمان ايام زمان وقبل باصات ابو رجيلة ذات اللون الاصفر والشماعة فيها تشيل اكتر من القاعدين في الكراسي ، اها لقيت الجماعة الممثلين القاعدين يعملوا مسرح في الشارع بعد المسرحية البايخة القاعدين يعملوها في الشارع وسط الجمهور بعدين يقوموا يسألوا الجمهور عن الموضوع وعن رائهم فيه انا جيت ماري وسمعت جزء من موضوع المسرحية قاموا يسألوني وعن رائي في الموضوع جيت امسك منهم المايك عشان اتكلم لقيت واحد منهم مكنكش في المايك ورافض يفكو وانا اناتل فيهو وهو برضو يناتل وانا قلت ليهو انا ما بتكلم الا المايك في يدي وقامت شمطة لرب السماء بخصوص موضوع المايك بعدين انا قلت ليهم انا عاوز اعرف السر في حكاية كنكشة المايك دي شنو وليه ما بتعطوه للجمهور عشان يتكلم براحتو انتو خائفين علي المايك ولا علي حاجة ده كلو وانا ماسك المايك وقلت الليلة اوصلها معاهم الحد الاجاويد دخلت ويازول ويا استاذ ومدافرة ومعافرة وكواريل وقعت قرش ونص وناس المحطة الفضائية برضو تدخلو زول كده لابس بدلة نظيفة وحاول الكلام معاي بالمنطق برضو مافي فائده والناس اتلمت اكتر واكتر ما ناس فاضية وجابو البوليس وعاوز يركبني الكومر قلت ليهو انا ما بركب الكومر الا اعرف شنو التهمة الموجهه لي عشان امشي النقطة سكت وخلاني لانو ما عندو حجة وجو ناس الحقوق المدنية ووقفو في صفي والحكاية جاطت جوطة شديده ده كلو وانا مكنكش في المايك كنكشة شديده لما حنيت عليهو من الكسر
وجات ولية كبارية وتكلمت معاي كلام طيب وحنين زي كلام امي وكلامها اثر فيني شديد وقالت لي يا ولدي اديهم السجم ده ومافي داعي للمشاكل سمعت كلامها وفكيت المايك بس قلت ليها والله عشانك انت يا حاجة وكلامك الطيب ده بس داير منهم حاجة واحده ليه المذيعين خائفين علي المايك

عشان امكن يقول لناس انا مذيع وليس انت
والله فعلا كلامك صحيح ولكن بالفعل كلام يحير

ههههههههههههه لكن ياهاشم ياخوي بالغت
انت ماعارف انو هم لما يدوك المايك دا بكونو قافليين الصوت ,,وكمان المايكات الجديده مبرمجه مابتطلع صوت الا صوتهم هم بس واي صوت غير كدا بتدخل في فلاتر وبتحصل ليهو عملية (قطع)

يعني من الاخر كدا مافي صوت حيتسمع ولارسالة حتصل للناس الا منهم هم وبس (ابتسم انت في بلد ديموقراطي ^__^)

المشاركة الأصلية كتبت بواسطة فاطمه بلدو

ههههههههههههه لكن ياهاشم ياخوي بالغت
انت ماعارف انو هم لما يدوك المايك دا بكونو قافليين الصوت ,,وكمان المايكات الجديده مبرمجه مابتطلع صوت الا صوتهم هم بس واي صوت غير كدا بتدخل في فلاتر وبتحصل ليهو عملية (قطع)

يعني من الاخر كدا مافي صوت حيتسمع ولارسالة حتصل للناس الا منهم هم وبس (ابتسم انت في بلد ديموقراطي ^__^)

يعني سكتم بكتم
والباقي بهرجة

وريتونا

كككككككككككككككككككككككككككككككك

والله يافردة .. انا عجبني كلامك عن سوق ستة بس صدق

انت عارف ليه

معناها انك مشيت لي مريومة .. ما نسيت العشرة واله يافردة

هاهاهاهاهاهاها

والله المذيعين حقننا ديل عبيذين في المايك ده جنس عباطة
الواحد التقول مستلم المايك ده عهدة شخصية
ولا العجب يقوم بي كل غباء كده يدفرك اتجاه الكميرا
التقول داير يطعموك ضد السحائي

انا لو لقيت فيهو فرقة .. برسلهم هجليج كللللهم

هاهاها

زروق

صدقت والله والعشرة ما بتهون

يا هشوم ديل زي الجزارين ما بفكوا ليكم سواطيرهم


وبعدين يا هاشم هم عاوزين يتكلموا اكتر من الشخص المستضاف

ويقاطعوه على راحتهم


والسؤال لو من كلمتين انت تجاوب من كلمة واحدة فقط


يعني ما فضل ليهم إلا يتكلموا بالنيابة عنك

تمام يا بكور
صدقت
بس حاجة تغيظ