فك تشفير زين كونكت (e1690) بأبسط الطرق وشرح بالصور

مشكووووووررررررررر والله

lمشكووووووووووووووووووووووووووووووووووووووووور اخي العزيز اول موضوع واجمل موضوع انا جربت وفكيت حقي

مجهود رائع يا منذر الله يخليك لينا

الاخ الغالى :
تسلم ولك الشكر العمليه ظبتت معاى و كل الشرائح اشتغلت .
عندى استفسار :
1/ فك التشفير الحصل ده وكسر الشفرة ده ممكن تدينى فكرة عنو ؟ بمعنى هل هو فى البرنامج التشغيلى للكونكت ولا فى الكونكت نفسه يعنى سوفت وير ولا هارد وير ؟.
2/ اذا داير اعمل العكس يعنى ارجع كود التشقير لى مكانه فى الداتا كارد اعمل شنو ؟
اسف للاطالة وللطلبات الكتيرة بس منكم نستفيد وشكلك ماشاء الله متخصص ونحنا هاوين .
اخوك استاذ فائز : استاذ جامعى .

متأسف عـ التأخير يا أستاذ
طيب . . .
بالنسبة للسؤال الاول : التشفير يتعلق بالسوفت وير . . .
وللفائدة :-
التشفير دة عبارة عن إحتكار لشركة الاتصال لأنو المودم أصلا ما مصنوع في السودان والبلد اللي صنعتو باعتو لدول تانية وهنا وفقا لطلب شركة الاتصال ((زين)) وضعت مجموعة مواصفات للشركة المصنعة ومن ضمن المواصفات دي إنو ما تشتغل أي شريحة ((sim)) لأي شركة إتصال منافسة . . . لاكن الثغرة في موضوع الاحتكار دة إنو الشركة المصنعة ((huawoi)) خلت لما تتركب شربحة أي شبكة تانية يطلب كود معين والكود دة بيدوهو لشركة الاتصالات المشترية فــكل جهاز يتم إنتاج كود فتح الشريحة ليهو((رقم unlock)) بشكل تسلسلي وفقا لخوارزمية معينة . . .فإتسربت الخوارزمية دي من الشركة المصنعة ووصلت للمبرمجين فأدخلوها في شكل برنامج((البرنامج المرفق مع الشرح)) . . .

أما بالنسبة للسؤال التاني : أنا ما مرت علي حاجة بالشكل دة وما داير أفتي بما ليس لي به علم . . . لاكن على حسب معتقدي ((الشخصي)) :
لازم تنزل السوفت وير بتاع المودم من موقع شركة هواوي عندك في الكمبيوتر وبعد كدة تعدل فيهو إنت بحيث تتحكم بالحد الاقصى لسرعة المودم أو تشغيل أي شبكة دون سواها إلخ . . . لاكن أظن إنو لازم تكون ملم بخبرة لا يستهان بها في لغات البرمجة أو مصطلحات الحاسوب ومسمياته . . .



^_^ معلش لأني طولت في الكلام لاكن الموضوع كان محتاج لشرح . . .

الاخ المنذر :
لك الشكر اجوله ومنكم نستفيد :
1/ سمعت انو ممكن يتم كسر شفرة سودانى MDSL ياريت لو عندك فكرة تورينا بالشرح مع الصور . يعنى تقريباً ى سوفت وير بينزلوه لجهاز ام دى اس ال .
2/ قال لى احد الاخوه ان فك التشفير يقلل من السرعة بتاعة الكونكت . هل الملام ده صحيح ؟
3/ عنك فكرة عن كسر او فك شفرات القنوات الفضائية باستخدام كرت ديجيتال اسمو Sky star2 مثيت حاخل الجهاز فى الPCI ؟؟
اخوك استاذ فائز

أخي :أ/فائز
1/فعلا من الممكن فك شيفرة سوداني ((MDSL)) . . . والله أنا ما عندي مودم إم دي إس إل عشان أجرب أو أشرح عليهو لاكن في حاجة بس دايرك تجربها ولو ظني طلع صح يبقى ممكن نفك تشفيرو من دوت تنزيل سوفت وير والحاجة دي هي (( إنو لو عندك المودم حاول تركب فيهو شريحة شبكة تانية في الحالة دي لو المودم رد برسالة فيها رقم متسلسل مكون من 15 خانة إسمة رقم Imei يبقى الموضوع كلو إتحلة)) بس إنت جرب ولو حصل زي ما أنا إتوقعت هأعمل شرح كامل للموضوع دة


2/فك التشفير ما بيقلل من سرعة المودم وفي بعض الحالات بالعكس ممكن يزيدها لأنو بعد مرات الشركة ممكن تكون محددة الدونلود بحد معين ما يتعداهو ولما يتفك التشفير بيرجع المودم زي ما صنعتو الشركة المنتجة


3/ أما بالنسبة لموضوع فك تشفير الدجيتلات فأنا حاولت أفهمو لاكن ما إتوغلت فيهو كتير لأسباب خاصة لاكن عندي فيهو فكرة بسيطة أما موضوع الكرت اللي بيفتح كل القنوات المشفرة فهو موجود فعليا لاكن أيام ما حاولت أتعلمو كان إسم الكرت ((أبراكدابرا)) على ما أذكر وهو زي كرت ال ART لاكن لونو أبيض ما مطبوع فيهو أي شي وبيتباع في ورش الصيانة قبل 3 سنوات كان ب100ج س والان ما متأكد من سعرو وبيتباع فاضي وإنت بتنزل فيهو لودرات وتركبو في أجهوة معينة بيشغل فيها القنوات زي ستار سات وإيرو ستار
وفك التشفير بتاع الدجيتلات تقريبا في نوعين : نوع من الدجتلات بيتم فك تشفيرو من الضبط مباشرة من دون التوصيل بالكمبيوتر . . .
والنوع التاني لازم يتوصل بالكمبيوتر بوصلة ((كبل تسلسلي)) ويتم تغيير السوفت بتاعو وتنزيل ما يعرف بال((لودر))
واللودر دة هو المسؤول عن فتح القنوات المشفرة . . .
(((((((هذا والله أعلم))))))

للفائدة : فك تشفير سوداني Mdsl يتم عن طريق شغل في الهارد وير والسوفت وير معاً يتم تغيير كرستاله من الهاردوير ويتم تغيير الداش بورد والفريم وير للــDevies


________________
لدي كونيكت سوداني ون Zte أريد فك تشفيره
Imei:885446220123978
________________
مع العلم انه لا يقبل الكود Unlock لانه يطلب كود من 10 أرقام وكود الـunlock مكون عادهً من 8 أرقام في البرنامج المرفق لديك ..

وبالتوفيق ..

مشكوووووووووووور كتير أخي سوداني على الإفادة
_____________________________
ولو تسمح موديل الجهاز))zte((

هههههههههههه
والله ما شاء الله
الشرح إنتشر شديد في المواقع السودانية
ناس النسخ واللصق ما قصرو تب
على العموم أرجو من أي زول ينقل الموضوع يكتب :
المصدر : منتديات المقرن السودانية
الكاتب : المنذر كمال الدين
((كما أرجو من إدارة المنتدى إنو يركبو ((هاك)) منع النسخ))