جديد المنتدى


العودة   منتديات المقرن السودانية > قسم الترفيه > منتدي الشعر والقصائد
اسم العضو
كلمة المرور
منتدي الشعر والقصائد أشعار - قصائد - نثر - وكل الابداعات الادبية
أهلا وسهلا بك إلى منتديات المقرن السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا

 
 
أدوات الموضوع إبحث في الموضوع انواع عرض الموضوع
#1  
قديم 07-24-2008
أثنى ... تختصر النساء
مكلف بالإشراف :: المنتدى العام ::
همس غير متواجد حالياً
Sudan     Female
لوني المفضل Deeppink
 رقم العضوية : 3210
 تاريخ التسجيل : Mar 2008
 فترة الأقامة : 2366 يوم
 أخر زيارة : 04-29-2013 (11:22 AM)
 العمر : 26
 الإقامة : في ... غيمة مشاعر
 المشاركات : 26,921 [ + ]
 التقييم : 162
 معدل التقييم : همس has a spectacular aura aboutهمس has a spectacular aura about
بيانات اضافيه [ + ]
Toto ألبوم محمد النصري الجديد (ضل السحابة)




الشوق عذاب
للشاعر خــــــالد شقـــــــوري



ما كنت فاكر الشوق عذاب ...ما كنت قايل الريده شوق
ما كنت فاكر الدنيا عاد محصوره بين جفن العشوق

لاكن بعد سفر السنين ... والرحله بين اشقى واتوق
عرفت جبل الشوق ألم والريده في اعلاهو فوق

تلقاني في الليل البهيم... دايما افتش في الشروق
ومن ما اشوف نور الصباح ارجع اكوس الليل اروق
ما قالوا غير حريقا عاد النار تضوي تشع دروب
شن شفت يا لهب الغرام فيك من زمان غير الحروق

ليلا نهار زاكي الهموم في راسي عاد تسكت تحوم
ما حانة لي ريدي الندي وما فاكره لي قلبي الشفوق
قلبي الحزين انجب هواك كيف من هواكي المر اضوق
يمكن غرامك ما عرف .. وريهو ايه يعني العقوق

في سكة الصفى والوئام حجر الظنون لي بيعوق
والشك يدور في هواي من سجنوا غالبني المروق
فاضل لي ايه انا غير اجن والليل يجن وبالجن افوق
اتهادى في ارض الضياع وازرع لي من احزاني روق



من ألبوم ( ضل السحابة)



 توقيع : همس



الصمت ... أكثر ثراءً من الكلام نحن نتكلم حينما يفيض بنا ... الصمت

قديم 07-24-2008   #2
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي





ماني شمتان
محمد سفلة


ماني شمتان فيكي لا قاصد التشفي
لا حسابي معاكي دة الداير اصفي

أنا ماني قاصد حاجة غير دايرك تعرفي
ما بعود من تاني لو يبقي لهاك حرفي

وما بصدق تاني قولك كان تحلفي
ولو هواكي حياتي منها ييدا طرفي

ما مهم يا غادرة تخلفي ولا توفي
او تكوسي وصالي ولا تصدي تجفي

الزمان القاسي شال من جوة ضعفي
وقسى قلبي عليكي خلاه يقيف في صفي

لو تصدقي تاني ما حتلاقي عطفي
ولا بتهزي احساسي لا بتبكي طرفي

عندي هسة السمحة توزن زيك الف
ولو وهبتها روحي شايفا ما بتكفي

في الصحاري وراكي كت يا غادرة منفي
لما قرب بالعذاب دحلوبي تكفي

الوداع شان انتي صنفك ماهو صنفي
وماني عشمان تاني بحرك يسقي جرفي

ولا تهبي رمادو .. جمرك جوة مطفي
وتاني مروادك حرام فوقي آب تخلفي

وماني شمتان فيكي .. لا قاصد التشفي







 

قديم 07-24-2008   #3
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي



خاين العهود

للشاعر صلاح البوج




خاين العهود وين عهدك زمان ؟
خاين العهود وين ماضينا اللي كان ؟
كيفن هان عليك بالله تدفن للحنان
ولا الريدة عندك كلمة في طرف اللسان

وين عهداً قطعتو معايا في اول خطاب
وأقسَمْ بالكريم نتحدى لي كل الصعاب
خاف المولي في الجرعتو كاسات من عذاب
وما هماك يقولو عليّ زولاً شاب وشاب

شن داير تقول بالله لو سألوك يوم
عن زولاً زمن وآلفتو واصبح ليك توم
فتش كل ماضي الريدة لو تلقالو لوم
واعرف انو وين ما فت ظلمك ليهو يوم

ياناسي الضمير قول ليّ وين مدن الغرام
وخت رمز الخداع من تاني فوق صدرك وسام
من بعدك ببيع الدنيا ولي قيس السلام
وماني اول ضحية ريدة لا ببقي الختام

ودرت الاماني الحلوه ياناسي الضمير
وما كان العشم والله .. تخدع يا امير
قفلت السكك تالايا .... حددت المصير
وامن انو دنيا الريدة بتضيّع كتير


 

قديم 07-24-2008   #4
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي



كل ما أقول تفيق
كلمات : محمد سفله


كل ما اقول تفيق القاها ماشى على تضيق
إتواتا القدر خطواتى وانسد الطريق

تايه فوق عباب افكارى ما قادر اريق
انقر للطيوف مزمارى حايم فى الفريق

لازمنى السهر فى ليلى اصبح لى عشيق
وآآه اصلو المصائب غير ماشافت رفيق

قلبى وراك حالك ليلو مو شايف طريق
لا زولاً يقول ياحليلو لا قلباً شفيق

غرقان فى بحور الريده فى جوفا الغريق
ورغم انى البغنى نشيدا ما اتبلا لى ريق

آه انا من عوادى زمانى كيف اقدر اطيق
هجرى ولوعتى وحرمانى فوق جرحى العميق

من نار الجحيم يا الغالى قلبى حرق حريق
واتبرا الغريب من حالى وابتعد الصديق

حتى زمانى وكت الشده فى احلك مضيق
لى زهرة شبابى اتعدا وامتص الرحيق


 

قديم 07-24-2008   #5
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي



إزيك
كلمات : عبد الجليل فتح الرحمن

إزيك ؟.. وازي الزيك ؟ .. يا الزيك دايماً معدوم
إزيك ؟ .. والزيي بزيك بيساهر ويجفاهو النوم

إزيك .. يا بت ريفية .. يا مدنية وخابرة العوم
في بحراً موجاتو تلاطم .. كيف الفارس والمهزوم

وكيف حالك في هالأيام .. الفيهن حسك مكتوم
الفيهن احتار الحاكم .. بين الظالم والمظلوم

بي اسمك يهتف ولهان .. البي غلبك بات مهموم
وينك يا عشقاً في الخاطر لا عايش لا صار مرحوم

مشتاقلك بالحيل مشتاقلك .. قلبي المن شوفتك محروم
يحلمبك يا امل البارح .. مخضرة ويا حٌلم اليوم

هندامك لسع هندامك .. رغم الارض الصارت روم
ادهشني وحيرني جمالو .. الموروث الخاتي اللوم

وجدانك لسع ما مات .. رغم الريح الجاري سموم
يتغنى وقمريهو يقوقي .. رغم الهم والغم واللوم









 

قديم 07-24-2008   #6
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي



يا يابه
كلمات : خالد الباشا




يـابــا يــــا قــمــري الـبِـهِّــلْ وحيـاتْ عيـونـي المشتـهـاك


يــا يـابـا فــي نـظــرك مِـتــلْوآشـوقـي لـــي لـهـفـة رؤاك


يـا يـابـا كــان شَـوفـك كِـمِـلْ باكر تشوف بي عينك جنـاك


والله تــمـــرك مـــــا هِــمـــلْ مـا دام مسـمـدو بــي شـقـاك


صِـــح يـابــا ايـامـنـا بَـتـقِــلالا المفـضـلـي مــنــو هــــاك


وعـمــري الـطـويــل فــوقــك يَضِل ينشر يابا حدود رضاك


بــس يـابـا لا تبـكـي وتـسِـل روحـي المَشكَنـة فـي هــواك


انـا بــس كفـايـا الـقـاك تـبـلْ شــوق القُـلـوب المشـتـهـاك


مـا يانـي زاتـي الـمِـن طِـفـل متلمـي ابـويـا عـلـي ضــراك


ربيـتـنـي بالـصـبـر الــطــوٍّل سويتـنـي بــي بـركـة دعــاك


والليـلـي كــان حِمـلـك تِـقِــل خـت المحَمِـلـو فــوق جـنـاك


كـــان تـقــدر الأيـــام تــحِــل ديـن السنيـن وجــزا عـطـاك


بـس يابـا لا تخـاف المَـنَـون مـادام مصيـر الـنـاس هــلاك


واعرف كمان والدي الحَنون الصالِحـي مـا اتقطعـت وراك


وكان الله شـال نـور العِيـون يـا يابـا نحـنْ وهّــج ضِـيـاك


ان شاء الله ما تخيـب الظنـون عشمـك بتلقـي الـفـي جـنـاك


أنا كان مناي والكون عريس ألقـاك تهـش بالخـيـر جـنـاك


وكـان طـلّ دربـك يابـا ميـس شيلـن عيونـي ابــوي فِــداك


هبشنـي فـي الايـام بصـيـص احسبنـي خطـوة مَـعَ خُـطـاك


يا ريتنـي يوسـف والقميـص اكـســيــر عـويـنــاتــك دواك


يا يابا يا قمري البهِّل




 

قديم 07-24-2008   #7
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي




ضـٌـل السحــابة

محمد عثمان ابو شعب


لو قدرّتي يوم سافرتي شوقي
وحنين جريتو بالليل فوق ربابة
تسافري ونحن مشتاقين نشوفك
وترحل كيف خطاك ما جاتنا دابا ؟ا

وحاتك انتي يا املي المنور
منك جاتني في قلبي الاصابة
واقف راجي فوق القيف رجوعك
تايه امشي وانشد في الجلابة

أراقب طيفك الفجراوي لو زار
اشابي عليهو وياما قلبي شابا
لكن بس عزاي انا ماني اول
ولا آخر موجّع بالصبابة

فراقك يا أم ضمير نكد حياتي
وزرع في قلبي أشواك الكآبة
أسيبك كيف وكيف تنساكي روحي
وعيونك في القلب غرزت نشابا

وكل ما اقول اعبر عن غرامي
أنا الفارس بحس منك مهابة
ولو فكرت ارجع ماني قادر
بدونك نحن ما طاشين ضهابه

مشتاق ليكي .. مشتاق ليك
مشتاق ليك وجمر الشوق كواني
تهاتي الروح مؤبدة في عذابا
أسيبك كيف وانا الشايف عيونك
بحور دفقت مويتي علي سرابا

وكل ما اقول وصلت اللقعد ارتاح
ترحلي مني زي ضل السحابة


 

قديم 07-24-2008   #8
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي





شبر شك

الشاعر :


عطا الكنيبلي


شبر شك .. يغرق .. ملامح اليقيــــــن
منام ظن .. يبدد .. صحاك من سنيــــن
أظنك .. محدد .. فراقك متيــــــــــــــــن
تدسو .. و توسد ... قليبي الأنيــــــــــن


أقيــــف .... لا تأكد .. بعوم في الظنون
بضيق .. لما تبعد .. و أغش العـــــيون
أعيشك مغمد .. محل ما تكــــــــــــــون
أنومك ..و أسهد .. منام السكـــــــــون

أزاي .. احتراسك تقول الـــــــــــــوداع
تشل حيل حواسك .. بلا اقتنـــــــــــــاع
متين قلبي داسك ... متين يا مطــــــاع
يطل بطش بأسك .. .فراق و انقطــــاع


فراق مافي رجعة .. برغم الطريــــــق
أنيــــــن.. مافي دمعة .. تهدي الحريـق
اغيب مرة اوعى .. أغيب ما أفـــــــيق
افيق وجعة وجعة .... أغيبيب و أفــيق
اطيق ياتو لوعة .. و بقيت لا رفيـــــق


أطيق ياتو لوعة .. و بقيت لا رفيــــق


 

قديم 07-24-2008   #9
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي



دمع الشجن
للشاعر : محمد سفلة

مالو إن كان شكن .. عيني من دمع الشجن ..

يا غايبة

أحزاني افراحك بقن .. بعتيني بي ابخـــس تــــــــــــمن
شان انسى هاجرت و رَحلْ .. فارقت لك حتـــى الوطن
....
لكني رجعني الزمن .. من تاني لــــي ارض المـــــحن
قايل الغرام البينا مات .. شابى لي مـــــن توب الكــفن
....

انا قلبي يوم ما ظنّ ظَنْ .. تبقيلو اسبـــــــاب الـــــحزن
ما دام سعادتك في بكاي مغرورة بـــــــي حســــنك اذن
...
ساهرت في ليل الدجن .. لمـــــــــن حدود صبري انتهن
شوفي الدموع من طول بكاي .. شقن دروب في الوجن
...

جاني اب قرون لمن جرن دمعاتي و الصــــــدر اتعطن
عزاني في فقدي الكبير .. قال لي رغم الآهــــــــة غن
...
قلبي الجريح الإنطعن .. لا ملّ لا صادو الوهـــــــــــن
لاقاكي بي ريدو النبيل .. لاقيتي بي ظلم الحســـــــــن
..
لو قايلة ماضينا اندفن .. و اتلاشى في التاريخ سدىً
انا ياني لا أزل الأزل .. بهواكي يا تحفة عــــــــــــدَن

أنا ياني لا أزل الأزل بهواكي يا تـــــــــــــــحفة عدَن



 

قديم 07-28-2008   #10
مكلف بالإشراف :: المنتدى العام ::
أثنى ... تختصر النساء


الصورة الرمزية همس
همس غير متواجد حالياً

بيانات اضافيه [ + ]
 رقم العضوية : 3210
 تاريخ التسجيل :  Mar 2008
 العمر : 26
 أخر زيارة : 04-29-2013 (11:22 AM)
 المشاركات : 26,921 [ + ]
 التقييم :  162
 الدولهـ
Sudan
 الجنس ~
Female
لوني المفضل : Deeppink
افتراضي




أمانة عليك

الشاعر : خالد الباشا

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت

.........

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

..........

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
أماااانة عليك ....
تخت بالك علي الجواك ... علي الحلم البنينا بيـــــــــــوت








 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:10 PM.


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
صفحة جديدة 1

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر منتديات المقرن

قوانين منتديات المقرن