الملاحظات


منتدي القصص والروايات للقصص والخواطر النثرية والروايات بانواعها .

 
 
أدوات الموضوع إبحث في الموضوع انواع عرض الموضوع
قديم 12-23-2010   #1
::::: إداري سابق :::::
 
الصورة الرمزية البرنس
 
رقم العضوية : 13
تاريخ التسجيل : Sep 2006
مكان الإقامة :
عدد المشاركات : 1,500
عدد النقاط : 45
قوة التقييم : البرنس is on a distinguished road
جهات الاتصال : إرسال رسالة عبر MSN إلى البرنس إرسال رسالة عبر Skype إلى البرنس

البرنس غير متواجد حالياً


أوسمة العضو
لاتوجد أوسمة لـ
">
Talking لا تثق في الصوت عبر الهاتف ان بعض الجكس يؤذي


فلنضحك قليلاً ... او حتى كثيرا .... اخرتها كوم ترااااااااااب


أخوناالعارض
ياعمك مرة زمان في الزمان الغابر ، وانا راقد في نص الحوش زي
التمساح العشاري معاي الحجة نتجاذب اطراف الحديث ، والكهرباء ( كاطعة)
كعادتها و السخانة زي الشطة .
التلفون يقوم يرن ،،، ارفع السماعة يجيني ليك صوت زي الكمنجة :
العارض : منو معاي !!
هي : حسن موجود ؟؟
العارض : مافيش .... نقول لي منو ؟؟
هي : قول ليه ندي ،،، طيب باي !!
انا ما لايووق مُخاطة بس :
باي نق تربيع !!
دقيقة و الحكاية شنو انا غفير ولا بتاع كبانية !!؟
هي : ليه في شنو؟؟
العارض : طيب ما تتكلمي معاي ، انا ليه البنات بضطهدوني كدة انا ما بنو آدم !؟!
ما كرهتونا البلي زاتو !!!
هي : انا آسفة ما قصدت شئ بس لانو ما بعرفك ، انت منو طيب ؟!؟!
انا : انا العارض اخو حسن ( علماً باني لا اعرف حسن ولا زول بهذا الإسم
الا حسن الترابي وده بذات بيني وبينو مافي اي عمار ) يعني معقول اقول
ليها النمرة غلط ومافي زول إسمو حسن ( انا جنيت) !!
ونظريتي في الحياة :
ما اجرح مشاعر الصبايا ورفقاً بالقوارير والمثل الخالد بقول ( عدم العروض جفا) !!
هي : خلاص ياعارض اتونس معاي وليه لا ، ده حتي باين عليك زول ( لطييف) !!
المهم حنك شديد ، ساعة وانا بتراشق مع البت زي الفراشة ، رشاقة جد ، شئ نكات
وشئ شعر شئ غرويد عيون ، حكم وامثال و البت انكيفت لي شديد !!
هي : طيب باي ، هاك تلفوني وهات تلفونك وسلم علي ( حسن) .
انا : ( في سري طبعاً ) حسن بتاع جنك ، حسن والصفارة !!
دقييقة ياخي ، ومال كنت ح احنكا كييف !!
لما خلصت المكالمة وجيت راجع للحجة :
سالتني :
ام العارض : انت يا ( عروضي ) ده منو البتنضم معاو ساعة ده !!
....
قلتا ادقس الحجة قلت ليها النمرة غلط .
الحجة : ساعة وتقول لي غلط الضارب ده هندي !!
انا : انت ياحجة في الامن ولا نكير خالك : مالك بتحكيها كدة .
الحجة : يحكك الجرب يامخوزق تلقاها واحدة من الغنم البضربو ليك ديك ...!!
العارض : انت ام رقيقة ولا ام فتفت
،،،،!!
...
المهم سادتي دورت التلفونات بيني والحبيبة الوطن ،،
وكل يوم تلفونين تلاتة وانا خلاص الصوت الناعم يزداد
رسوخاً في ذهني .. اتعذبتا عذاب شديد .
البت اقرأ ليها شعر ( يحي فضل الله ) اقول ليها
انا كتبتو ... مرة قريت ليها :
(ياضلنا ) قلتا ليها دي بذاات كاتبا فيك لانك
عندي زي ضُل الضحي المترامي بين مسارب روحي !!
بعد مدة سمّعتا ليك في شريط لي ( مصطفي سيد احمد)
شاكلتني وقالت لي انت ماعندك مصداقية كييف تدقسني
وتقول لي كاتبا فيك !!
انا : ( مالئيم وما بتغالط)
العارض : انت ما سمعتي بي توارد الخواطر ،،،
اها ده توارد بيني والشاعر الإسمو / يحي فضل الله ده .
وبعدين هو زاتو متأثر بي و شعرو كلو
ضُل و شجر تقول ( مزارع) .
اها الدامة كلما اقول ليها نتلاقي تقول لي خلينا
شوية نأخد علي بعض !!
انا ( متفائل ) قلت النص ده ح يكون مبالغة زي
صوتا ده اصبر عليها و طول بالك ياحبة بكرة تُفرج
وتكتحل عيونك برؤية البدر ليلة تمامه .
يا بت الناس ما نتلاقي خلاص ،، تقول لي اصبر
بطل شفقة انت مالك لايوووق كدة !!
انا اللايووق انا الويكة انا السرسيون .
واشيل واطمن في نفسي واقول البت دي بي صوتا
ده بالميت بتكون قريبة ناس المغربي ، وعيونا
بكونوا كبار وغلاد و حلوات زي عيون الحمار .

...
اها مرة قُرحتي قايمة علي و عندي حرقان
وزهجان الف، قامت ضربت لي تلفون في المكتب .
العارض : هووي انا حركات المراهقين دي ما
بتنفع معاي ،،، نحن لازم نتلاقي يا كلّ قرد
يطلع شجرتو، شنو شغّالين خيال علمي !!
هي : ما تخلينا شوية مالك الليلة !!
خلينا نخلق مساحات للشوق !!
العارض : مساحات شنو،،، دي الاراضي!!!!يا نتلاقي
يا شتات تاكلي نارك
كرهتينا التلفونات بقيت عامل زي رأفت
الهجان كدة !!
هي : خلاص بكرة نتلاقي في نادي الاسرة ،،
بس انت خليك ( ريلاكس)

.. وقد كان اليوم الموعود
الحلة كلها عارفة انو العارض جادع زمن وح يلاقي الحبيبة
(ستات الشاي... نسوان الكسرة... بتاع الدكان
...عوض الترزي حتي عايدة شمار) .
ياعمك خشّيت ليك في المحشي من العصر ونجيب الريحاني
(اباطي اتهرد من الريحة ) قربت اعمل (الفاتح الصباغ)
لي شعري بس خفت من شيلة الحس ، اها وشتات لي نادي الاسرة !!
مشيت قبل ساعة من المواعيد
(الخفة الكتلت اب تفة والرشاقة الكتلت إشراقة) .
وقلتا اعمل كاسحة ألغام ،،، هو ده ما مهرجان فرح كرنفال عشق !!




توقيع :



للتـــــو [email protected] ــــاصل




CCIP in progress






   
قديم 12-23-2010   #2
::::: إداري سابق :::::
 
الصورة الرمزية البرنس
 
رقم العضوية : 13
تاريخ التسجيل : Sep 2006
مكان الإقامة :
عدد المشاركات : 1,500
عدد النقاط : 45
قوة التقييم : البرنس is on a distinguished road
جهات الاتصال : إرسال رسالة عبر MSN إلى البرنس إرسال رسالة عبر Skype إلى البرنس

البرنس غير متواجد حالياً


أوسمة العضو
لاتوجد أوسمة لـ
">
افتراضي



اها الدنيا مغربت كدة ، جات ليك بت زي الليل زي السم
انا بي خفتي المعهودة جريت عليها :
العارض : انت ندي !!
هي : لا ابداً وقبلت علي الجهة الثانية
(بس ،، الله يكسر حنكك عامل وشك العريض ده) .
العارض : هووي يا العولاق اصبري علي بس تجي
القطعة النضيفة دي وجاهتك دي الا اطيّرا ليك من راسك .
..
بس بعد شوية تجي ليك بت زي ( السحلية)
لا لا لا زي الدبيب ... ... لا دبيب شنو ... زي الصارقيلة الصايمة !!
وانا خلاص من الضحك داير اقع علي وشي ،،،
وهي طواااالي جات ليك علي !!
الصارقيلة الصايمة : انت العارض ؟!
انا : آي انا العارض عارض السجم والرماد
وفي سري قلتا دي بتكون مرسال الشوق الحبيبة
رسلتا ( للإعتذار وكدة ) انت منو يختي !!
الصارقية الصايمة : انا ما ندي ندوية قلبك
يا قلب ، يخسي عليك ياعروضي ما عرفتني !!
...
انا خلاص بقيت مخدر وكداري ما شايلاتني
وقلت ياعمك دي الكاميرا الخفية ولا شنو ؟!
اواصل الفيلم للنهاية و الشباب في الحلة
راجينك ح تقول ليهم شنو؟!
ده ماآكشن الآكشن ، المهم لملمت اطرافي وقلتا
(خربانة ام بناية قش) !!
وهاك ياضحك وغرويد عيون وشعر ،، اي نعم كنت
داير اطرش وانا بقرا الشعر لكن اهو نمشي الحال .
...
وقلتا لازم امتص الصدمة و اعمل فيها روحي رياضية .
وهي دايرة تطير من الفرح ،، وتعطش ليك في ( الجيم)
انا قايل الجيم صايمة اليوم داك !!
وهاك ياغرويد عيون و تتلولح وتتمايص زي الياي !!
وماسكاني من يديني انا قايل نفسي ( هاني شاكر)
و لو جاء زول فيكم بهناك ما حا يعرف الجكساية منو فينا ..
...
لكن النصيحة البت ما مبالغة حنضل بس !!
ياخ دي وشها زي اللين ( مثلث )
وبعدبن مجلطا ليك شعرا تقول بي ( مخاطة)،،،
وكمان لابسة ليها 15 قطعة قماش ده،،، مسلسل
الجوارح ولا شنو أنا زاتي ما عارف !!
طبعاً دايرة تسمن وكدة : في سري
(لن يصلح العطار ما افسده الدهر يا حبة) !!
المهم سادتي اليوم داك مرّ بي خيره وبي شره !!
بعدما طمنتها انو البينا سوف يستمر ونحن كيان واحد ..
ولازم نواصل المشوار ولا نامت اعين الجبناء ، وانت
إمرأة حلوة ومستنيرة وروحك حلوة !!




...
ولما رجعتا الحلة فكيتا ليك في الشباب
قلتا ليهم : البت طلعت زي الليل زي اللبلب ،
هم صدقوني لكن بإرتياب عارفين حظي !!
اهن هي بقت تضرب في المكتب وانا عامل
(حظر عاطفي ) إستنفار شديد اي بت تضرب لي
ان شاء الله بت لعاب : انا مافيش انا في الجنوب
مشيت العمليات جاني قبول من سراييفوو
اي حاجة بس جلوني منها !!
انا ما شليق يوم جيت المكتب بدري التلفون يرن ،
رفعتا السماعة القاها ليك دي ( حبيبة قساي)
ومين قسّا قلبي !!
هي : وييين اتا،، وشنو الحكاية من ديك وعيك !!
انا قايل ده يوم القيامة ،، لساني الطويل داك
بقي زي حق الطيرة، وخشمي بقي ناااشف و حلقي مُرّرّرّرّو ،،
جاني الطُمام بتاع الملاريا داك و كلما ابلع ريقي
احس كأنو في حلقي فيه علبة ( صلصة مصدية)
ولا لستق عربية محروق و !!!؟؟ ماعارف بالضبط شنو !؟!؟
وهي مواصلة في الاسئلة زي نكير :
الصارقيلة الصايمة : مالك ما باين ويا حليلك
وياحليل ايامك وشنو ما بضرب ليك طوالي ما بكلموك
سكرتيرتكم العاملة زي الورل دي ما بتكلمك !!
ورل انت كمان بتتكلمي في الشكل ( في سري طبعاً) .
لما خلاص زهجت مني وانا زي الابكم !!
الصارقيلة الصايمة : ماعشان كدة قلنا
ما نتلاقي ،،، رجال ماعندهم نظر ، و المراة
عندكم بس جسد .... وكركرب قفلت السماعة !!!






نصيحة
:
...
تاني مافي واحد فيكم يرد علي التلفون

لو في ناس تانين في البيت !!

حاشية:
لا تثق في الصوت عبر الهاتف ان بعض الجكس يؤذي


منقوووووول



توقيع :



للتـــــو [email protected] ــــاصل




CCIP in progress






التعديل الأخير تم بواسطة البرنس ; 12-25-2010 الساعة 05:22 PM
   
قديم 12-23-2010   #3
شريك مبدع
 
رقم العضوية : 39607
تاريخ التسجيل : Oct 2010
مكان الإقامة :
عدد المشاركات : 1,117
عدد النقاط : 10
قوة التقييم : فرحة الايام is on a distinguished road
جهات الاتصال :

فرحة الايام غير متواجد حالياً


أوسمة العضو
لاتوجد أوسمة لـ
">
افتراضي


اصبت اخى ان بعض الجكس يؤذي عشان كدا شخص ما يجري وراء اوهام بعدين يصدام بالواقع عكس ماكان يتوقع تماما
(تلفون رن) لفنان شباب تامر حسنى هههههه ولك شكر وتقدير على الموضوع اللطيف


   
قديم 12-24-2010   #4
شريك مبدع
 
الصورة الرمزية بسمة حزن
 
رقم العضوية : 25786
تاريخ التسجيل : Jun 2009
مكان الإقامة :
عدد المشاركات : 523
عدد النقاط : 10
قوة التقييم : بسمة حزن is on a distinguished road
جهات الاتصال :

بسمة حزن غير متواجد حالياً


أوسمة العضو
لاتوجد أوسمة لـ
">
افتراضي


هههههههههههههههههههههههههههههههههههههههههههههههههه هههههههههه

واااااااااااي مبالغة

والله بقيت اضحك لمن الفي البيت كلهم بعاينو لي بدهشة


بس تستاهل
هسي لو خليتا لي حسنا مش كان احسن ليك؟؟


   
قديم 12-25-2010   #5
شريك ذهبى
 
الصورة الرمزية ام سام
 
رقم العضوية : 40381
تاريخ التسجيل : Nov 2010
مكان الإقامة :
عدد المشاركات : 431
عدد النقاط : 10
قوة التقييم : ام سام is on a distinguished road
جهات الاتصال :

ام سام غير متواجد حالياً


أوسمة العضو
لاتوجد أوسمة لـ
">
افتراضي


انت البوديك تهبش شنو ههههههههههههههههه

دي جزاتك بس وشلاقتك الكتيرة

تاني اتعلم وبعدين كان تتونس ساي وتقفل الخط وصلت مراحل عميقة ههههههههههه في النهاية وقعت على رأسك؟؟

ههههههههههههههههههههه


   
قديم 12-25-2010   #6
::::: إداري سابق :::::
 
الصورة الرمزية البرنس
 
رقم العضوية : 13
تاريخ التسجيل : Sep 2006
مكان الإقامة :
عدد المشاركات : 1,500
عدد النقاط : 45
قوة التقييم : البرنس is on a distinguished road
جهات الاتصال : إرسال رسالة عبر MSN إلى البرنس إرسال رسالة عبر Skype إلى البرنس

البرنس غير متواجد حالياً


أوسمة العضو
لاتوجد أوسمة لـ
">
افتراضي


هههههههههه
الحمد لله انها عجبتكم

بس يا ناس ده ما موقف حصل معاي دي قصه بس نزلتها ليكم هنا

الردود شكلها بقت متجهه على ان ده حاصل معاي انا
هههههه
خلو بالكم دي قصه بس .
اصلا لو حصل معاي ما كان كتبته هنا هههه

لكن بيني وبينكم مرات الصوت في اتجاه والشكل في اتجاه تاني
هههه

والحمد لله باين ان القصه عجبتكم



توقيع :



للتـــــو [email protected] ــــاصل




CCIP in progress






   
قديم 12-25-2010   #7
شريك مبدع
 
الصورة الرمزية بسمة حزن
 
رقم العضوية : 25786
تاريخ التسجيل : Jun 2009
مكان الإقامة :
عدد المشاركات : 523
عدد النقاط : 10
قوة التقييم : بسمة حزن is on a distinguished road
جهات الاتصال :

بسمة حزن غير متواجد حالياً


أوسمة العضو
لاتوجد أوسمة لـ
">
افتراضي


ههههههههههههههههههه

لالا مش انت منزلها تتحمل البجيك

بس حرام عليهو والله كسر بخاطرا


   
قديم 12-26-2010   #8
::::: إداري سابق :::::
 
الصورة الرمزية البرنس
 
رقم العضوية : 13
تاريخ التسجيل : Sep 2006
مكان الإقامة :
عدد المشاركات : 1,500
عدد النقاط : 45
قوة التقييم : البرنس is on a distinguished road
جهات الاتصال : إرسال رسالة عبر MSN إلى البرنس إرسال رسالة عبر Skype إلى البرنس

البرنس غير متواجد حالياً


أوسمة العضو
لاتوجد أوسمة لـ
">
افتراضي


ههههههه

هي زاته كسرت بخاطره لأن طلعت ... على قولة القصه ... الصارقيلة الصايمه هههه


وبعدين ليه تقع فوق راسي انا نزلتها عشان الناس تبتسم شويه ما عشان يثبتوها فيني




توقيع :



للتـــــو [email protected] ــــاصل




CCIP in progress






   
قديم 03-29-2012   #9
شريك مبدع
 
الصورة الرمزية الباسم
 
رقم العضوية : 41576
تاريخ التسجيل : Jan 2011
مكان الإقامة :
عدد المشاركات : 17,907
عدد النقاط : 12
قوة التقييم : الباسم is on a distinguished road
جهات الاتصال :

الباسم غير متواجد حالياً


أوسمة العضو
لاتوجد أوسمة لـ
">
افتراضي


ههههههههههههههه عليك جنس لياقة تسلم الايادي


   
قديم 04-10-2012   #10
شريك فضى
 
الصورة الرمزية rani ahmad
 
رقم العضوية : 43121
تاريخ التسجيل : Apr 2011
مكان الإقامة :
عدد المشاركات : 241
عدد النقاط : 10
قوة التقييم : rani ahmad is on a distinguished road
جهات الاتصال : إرسال رسالة عبر Skype إلى rani ahmad

rani ahmad غير متواجد حالياً


أوسمة العضو
لاتوجد أوسمة لـ
">
افتراضي


يااااااحولتن بالله منك والله فقعت مرارتي ضحك
وبعدين ماتنسى ياخ
والاذن تعشق قبل العين احيانا
ومرات تركبك مااااااااسوره


توقيع :


[align=center]يالبي عزابنا بتنتشي كلم قليبك يخـــــــتشي
قلبي ماعرف الكلام لسع بعلمو في المشي[/align]


   
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
المخ يبذل مجهودا اكبر بتعامله مع الصوت الانثوي همس المنتدي العلمي 4 12-26-2010 10:02 PM
انتبه .. لاتستعمل الهاتف النقال عند التزود بالوقود نوف المنتدي العام 9 10-23-2009 10:51 PM
طائرة الركاب الاسرع من الصوت كاااااااش المنتدي العام 6 08-09-2009 03:32 AM

 


 

 المقرن: منتدى سوداني تم تأسيسه في العام 2005 كملتقى للتواصل والحوار الهادف
لكل السودانيين علي شبكة الانترنت للنقاش والتفاكر حول كافة القضايا والموضوعات التي تتعلق بالسودان



الساعة الآن 05:01 AM.


جميع الحقوق محفوظة - شبكة المقرن - 2005 - 2014

قوانين منتديات المقرن

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر منتديات المقرن

تطوير وإستضافة: هوسترتك لتقنية المعلومات