جديد المنتدى


العودة   منتديات المقرن السودانية > قسم الترفيه > منتدي الغناء والموسيقي > كلمات الاغانى
اسم العضو
كلمة المرور
كلمات الاغانى خاص بأشعار الاغاني .
أهلا وسهلا بك إلى منتديات المقرن السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا

 
 
أدوات الموضوع إبحث في الموضوع انواع عرض الموضوع
#1  
قديم 12-06-2011
مربـوطــــــــــــــة
شريك فعال
جيري بس غير متواجد حالياً
لوني المفضل Teal
 رقم العضوية : 42553
 تاريخ التسجيل : Mar 2011
 فترة الأقامة : 1233 يوم
 أخر زيارة : 10-28-2013 (07:54 PM)
 المشاركات : 94 [ + ]
 التقييم : 70
 معدل التقييم : جيري بس will become famous soon enough
بيانات اضافيه [ + ]
افتراضي مختارات للموسيقار محمد الامين






حروف اسمِك

حروف اسمِك

جمال الفال

وراحة البال

وهجعة زول بعد ترحال

وتنّية حلوة للشبال

ودنيتنا ومشاويرنا

وغنواتنا الى ما بتِنقال

حروف اسمِك

نجوم ركّت على الياسمين

فرح فى عين جمالها حزين

أساور فى إيدين طفلة

بتحفظ فى كتاب الدين

زَفَافَ عاشقين بعد فرقه

وسط باقات دُعَا الطيبين

حروف إسمِك

عقد منضوم بخيط النور

وطلة وردة من السور

ونغمة تنادى من طمبور

وشُعلة فرحة فى الوادى

تَشِع جَذلانه ليها شهور



حروف إسمِك

وَكِت أشتاق وأرحل ليك

وأسرح فى عسل عينيك

بِتَحضِنّىِ......

قَبُل ألمسَ حرير إيديك

تأرجِحنى..وتَفَرحنى..وتخلينى

أدُق سدرى

وأقيف وسط البلد واهتف

بريدك يا صَباح عمرى

ــــــــــــــــــــــــــــــــ
ــــــــــــــــــــ
ــــــ


طائر الأحلام


يا مُنىً ..أهدي إلى المهجة أنفاساً وعُمرا

أهرقت دُنياك في دُنيَايَ أنغاماًً وسحراً

وتَذوَقتُ غراماً منكَ مَشبوباً ومُرا

يا هزاراً رائعُ الطلعة فَتاناً أغَرا

فَجرَ الألحانَ في قلبي إعلاناً وسرا

يا صَباحاً فَتقَ الآمال في الخاطر زهرا

ونَدى يُدفقُ أشواقاً ويغرورق عطرا

يا جناحاً طَوَقَ الأضلاعَ أفراحاً وبشرا

يا شراعاً أوصَلَ الزورق للشاطيء فجرا

ما الذي أهديه إلا ذوب اضلاعي شعرا

وافتتاني واندفاق أغاريديَ خَمرا

قد تنَعَمتُ عَطاءأً منك ثَراراً روياً

وحُنُواً هَدهَدَ الآلام رَفرَافاً نَديا

يا عيوناً كاليَنَابيع شُرُوداً وابتساماً

نَبعت في حَقل أيامي رَبيعاً وسَلاما

وقواماً كالأهازيج تَثَنى وتَسَاما

وانسياب الشَعر مَرأى بيدر صَلى وناما

يا عُيوناً كالغناء العَذب في دفيء العَشية

يا عُيوناً مثل صُبح العيد في الدار الحفيه

كانت الفرحة في قُربك أعراساً من الضوء

وكان الشعرُ طفلاً غَسقيا

فتَبنَاهُ المُغني

وحَباهُ من بريق النَغَم الوَهاج كالبلور زِياً

ورعَى الأزهارَ في كلتا يَدَيه

ثُم ضَاع الطفلُ يا رَباهُ من بينَ يَدَيا

فَتَلَهَفتُ عليه

ومضَى الزَورَقُ بالملاح جيلا

كان الإعصَارُ والبحرُ عَتيا

هكذا دارت بنا الأيامُ

يا طائرَ أحلامي الزَقَاليل

ويا طَلق المُحَيا

ـــــــــــــــــــــــــــــــــــ
ــــــــــــــــــــــ
ـــــــ



وحياة ابتسامتك

وحياة ابتسامتك ياحبيبى وحياة عينيك

قلبى حاذرك ومن زمان سائل عليــك

كلو لمسه فى خيالى عن جمالك هى فيك

قبل ماشوفك كنت فاكر الريد مستحيل

كنت هايم فى طريق خالى طوييل

لليلى دون الناس كلو ااهات كلو ويل

تشهد الايام ويشهد الليل والنحيب

قلبى عاشق ودربى خالى من حبيب

قلبي عاشق ودربى خالى من حبيب

لكن يا حــــبــــيــــبــــــــى

من يوم ماشفتك قلبى للدنيا ابتسم

اشرقت دنياى وفارق دربى الهم

فى انتـــــظـــــــــــــارك

ياحبيى رايح ارعاك بى حنانى

القى فى قربك سعادتى وانسى

تعذيبى وهوانى يبغرو العشاق

من هوانا فرحة الريد والامانى

ياحبيبى عشت لليا وعشت ليك

هاك عهدى وهات ايديك

وحياة غرامى اهدى عمرى

وروحى ليك

انــــا روحى ليك

ــــــــــــــــــــــــــــــــ
ـــــــــــــــــ
ـــــــ



رجع البـــــــــــــلد


جانا الخبر شايلو النسيم

فى الليل يوشوش فى الخمائل

هش الزهر بكت الورود

وسالت مشاعر الناس جداول

رجع البلد

بعد السنين المره

يادوب العيون سهرن هجد

ياحليلو مارجع البلد

وعيونا ما سهرن هجد

فى عيونو شوق

انهد لحب للناس للوطن

ماغيرت ريدتو السنين

ومابدل احساسو الزمن

شفنا المشاعر الحلوه

فى ساحاتنا بى الامال مشن

انت ما نسمه فى الهجير

انت ما راحة ضمير

انت ما بهجة مشاعر

انت ما رحلة عبير

انت ماياكا الامير

كيف نسيبك تمشى تانى

وانت نورة البلد

العذاب فارق طريقنا

والعيون سهرن هجد

ــــــــــــــــــــــــــــ
ـــــــــــــ
ـــــ

عوينــــــــــــــــاتك


اقول ليها عويناتك ترع لولي وبحار ياقوت

مناحات ريد حزاينيه بغازل فيها مأساتي

وفي شرف العبور ليها بموت واكسر شراعاتي

تقول لي غناك حزين غناي حزين

وانا الواهب قصائدي الباكيه للفرحه

وانا البديها شان ريدي وصباي طرحه

قول ليها عويناتك زي سواد قدري

مكحله عمري من بدري

لو بقدر اسافر في بريق لحظك وما ارجع

تقول لي خايفاك تتوجع واتوجع

اقول ليها عويناتك ديار وعدي

مسوره بي جدار صمتك

عذابي معاك بريدك قبل ما اعرفك

ولو بقدر اشيل من الزمن وقتي

بموت في لحظه واوهب ليك عقاب عمري

ــــــــــــــــــــــــــــــ
ـــــــــــــــــــــ
ـــــــ


زاد الشجــــــــــــــــون

ماهو باين فى العيون

وين حنهرب منو وين

الهوى البعث الليالى العامره بى ذاد الشجون

يفتح قلوبنا ديار محبه ديار محبه ديار حياه للعائدين

مابنقاوم وكيف حنقدر وين نهرب منو وين

مافتكرت الحظ يساعد عمرى يورق من جديد

من بعد فرقتنا ديك مين كان بيفتكرك تعود

كنت بحتاج ليك بشده وانت بعيد

مافى عيشه بلاك بتبقى ومافى نشوه ومافى ريد

ده الهوى الجنبك عرفتو عاطفه ملتهبه وجنون

ويـــن حنـــهـرب مـــنو ويــن

اه ادعينا وقلنا تانى ماحانشتاق فى عمرنا

وقبل ماتمر ليله واحده بحراره الشوق غمرنا

كم كم لهينا وقلنا يمكن ندفن الحب فى سهرنا

الحياة صعبة علينا وبى اثر فقدك شعرنا

شفت كيف حبك حياتنا انت يالحبك حياتنا

وكــيف بدون حــبك نكـون

وين حــنهــرب منو ويــــن

شفت كيف حبك بيعمل يشغل الوجدان ويعذب

اه وبرضو بتقول عنى خادعك وانى بتلاعب وبكذب

ليك حق دنياك خاليه لابتشيل هم لابتتعب

كنت تتعلم تجامل لو فؤادك مره جرب

انو مايدق دقه واحده الا ويتفجر حنين

يفتح قلوبنا ديار محبه ديار حياه للعائدين

ــــــــــــــــــــــــــ
ــــــــــــــ
ـــــ

الحب والظروف

قلنا ما ممكن تسافر

نحن حالفين بالمشاعر

لسه ما صدقنا انك بجلالك جيتنا زاير

السفر ملحوق ولازم انت تجبر بالخواطر

* *
الغريبة الساعة جنبك تبدو أقصر من دقيقة

والدقيقة وإنت ما في مرة ما بنقدر نطيقها

دنيا بقربك يفرهد كل طائر يحيا فوقها

وجنة من بعدك بيذبل كل مخضر فيها ناضر

* *
لو تسافر دون رضانا بنشقى نحن الدهر كله

ما بنضوق فى الدنيا متعة وكل زول غيرك نمله

أقل حاجة تخلي سفرك حتى لو إسبوع أقله

وإنت عارف نحن بعدك للصباح دايما نساهر

* *
لا لا ما بنقبل نسيبك تمشي للوحدة وتعاني

برضو ما بنقدر نقاوم شوقنا من بعدك ثواني

وما بنغنى وراك كلمة وما بنشوف البهجة تاني

غايتو لو شفقان علينا ما أظنك يوم تسافر

ــــــــــــــــــــــــــــ
ـــــــــــــــ
ـــــــ



هاشـــــــــــــم صديق
كلام للحلوة

لما شُفتِك

ليلِى ضَّو وبَقَّ نور

ونرجس الجنه المفرهد

رفّ بى جِنحَات عطور

وغنَّى فارسِك

خَتَّ صورتِك فى الإطار

فى الليالى نَجِم يِلالى

ونسمه فى وهج النهار

وقال فى وَصفِك لما بنتى

أحلى مِنِّك . برضُه إنتِى

وما فى غيرِك زول معانا

حتى كان يا سمحه غِبتى

ومَرّه جَالَن الف خَاطِر

بى عيون عقلى المسَاهر

فجأه عينيكِ الحبيبه

!قالو سارح وين مِسَافِر؟

عِشتَ قولِن شيل وصَفقَه

وقُلت بس يا ريتنى القى

همسه فى حُلم الأميره

أو سَبَايب فى الضفيرة

أو عِقيد فى تِبرِ جيدها

أو قليب فى راحة ايدها

يا زمان أسمعنى واكتب:

البَرِيدها وريدها سِيدى

وريدِى سِيدَها

الزمان لوحتى بالغ

ما أظِن فى زول يعيدها

يا حَلاتِك

مره همسه ..

ومره نَسمَهومره هَلّت نَجْمه غابت

ومره صَحْوَة غمزه نامت

ومره ضحكه تَرَضِّى شوقنا

ومره كلمه تضِّوى فوقنا

ولمّا نسرح فيكِ قَادلَه

زى ملايكه علينا نازله

بَس نغنى:

يا حلاتكُم يا أهَلنَا

يا مصابيحنا ونجومنا

الضّاويَه فى واحات زَمَنَّا

ـــــــــــــــــــــــــــ
ــــــــــــــ
ـــــ

اسحق الحلنقي
بتتعلم من الايام

بتتعلم من الايام

مصيرك بكره تتعلم

وتعرف كيف يكون الريد

وليه الناس

ليه ليه بتتــــالـــم

متين عرف الهوى قلبك

متين فاضت بااهات

متين سهر عيونك

ليل طويله ساعات

وحاتك لسه مابتقدر

تقاسم قلبى دقاتو

اقابلك وكلى حنيه

واخاف من نظرتك ليا

واخاف شوق العمر كلو

يفاجئك يوم فى عينيه

ورى البسمات كتمت دموع

وبكيت من غير تحس بيا

وبكره الريد بدون مواعيد يزورك

ياحياة عمرى

وتقول ياريتنى لو حبيت

زمان من بدرى

وتعال فرح ليالينا

وتعال قبل السنين تجــــرى

ــــــــــــــــــــــــــــــ
ــــــــــــــــــ
ـــــ



صلاح حاج سعيد
نرجســـــــــــــــــــة

من طيف ملامح ياتو شئ

إنت الجمال أداك خواصه وكل شي

كل زول يشوفك ينتشي

وتلاقي فرح الدنيا كله على وشيه


يا أسمى آيات الكمال والرقة والذوق والفهم

يا مكمن السحر الحلال والضحكة والحس والنغم

يا فكرة بتجتاح الخيال تملاه بالخير والعشم

يا نشوة الفرح المحال تعرف قلوبنا معاه همّ

يا نرجسة

يا روعة الليل البهيج نام في العيون الناعسة

يا ضحكة الشوق المهيب نكتم مشاعره ونحبسها

يا كلمة بين شفتين حنان للمولى خشية بنهمسها

يرعاكي من شر العيون يحفظ محاسنك ويحرسها


من طيف ملامح ياتو شئ

انت الجمال اداك خواصه وكل شي

ــــــــــــــــــــــــــــ
ــــــــــــــــ
ـــــــ

اتمني ان تنال اعجابكم ولكم مني كل المودة







 توقيع : جيري بس

كل الجميع احبتي والقلب دوما في اتساع

قديم 03-22-2012   #2
شريك مبدع
™^خفيــ~®الروح®~ـــف^™


الصورة الرمزية الباسم
الباسم غير متواجد حالياً

بيانات اضافيه [ + ]
 رقم العضوية : 41576
 تاريخ التسجيل :  Jan 2011
 أخر زيارة : 02-28-2013 (06:20 PM)
 المشاركات : 17,907 [ + ]
 التقييم :  12
لوني المفضل : #4B7BC9
افتراضي



ياسلااااام تسلم ايدك والتحية للحنجرة الذهبية الموسيقار محمدالامين


 

قديم 03-27-2012   #3
شريك فعال
مربـوطــــــــــــــة


الصورة الرمزية جيري بس
جيري بس غير متواجد حالياً

بيانات اضافيه [ + ]
 رقم العضوية : 42553
 تاريخ التسجيل :  Mar 2011
 أخر زيارة : 10-28-2013 (07:54 PM)
 المشاركات : 94 [ + ]
 التقييم :  70
لوني المفضل : Teal
افتراضي



اقتباس:
المشاركة الأصلية كتبت بواسطة الباسم مشاهدة المشاركة
ياسلااااام تسلم ايدك والتحية للحنجرة الذهبية الموسيقار محمدالامين
كل الحب اخي الباسم
ونحن نعشق الكلم الجميل
تسلم يا راقي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ماذا قال ابليس لسيدنا محمد صلى الله عليه وسلم king_7 المنتدي الاسلامي 0 02-09-2010 08:58 AM
الاشراف ال الشريف الخاتم ( كركوج الشريف محمد الامين الخاتم) ود حاكم المنتدي الاسلامي 3 01-25-2010 07:57 PM
يوسف محمد يا.... محمد عبدالماجد دابي الخشش منتدي الرياضة 5 01-22-2010 05:26 PM
إذا تحبه ، كن مثله هاشم سيد احمد المنتدي الاسلامي 6 06-17-2009 11:45 AM
اي زوووول مابعرف قصة التشهد يدخل علينا غزال ومايصيدونه المنتدي الاسلامي 8 10-28-2008 10:42 AM


الساعة الآن 10:05 AM.


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
صفحة جديدة 1

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر منتديات المقرن

قوانين منتديات المقرن