المساعد الشخصي الرقمي

مشاهدة النسخة كاملة : °•.?.•°ّّ()..( ღ العادات والتقاليد في السودانღ )..()°•.?.•°


نبع الوفاء
10-22-2007, 05:08 AM
سلااام
صباحكم/مساءكم فل و ورد
بما انو دي اول مشاركة لي بالقسم دا
.........
حبيت اعمل بوست يكون فيهو العادات والتقاليد السودانية
وان شاء الله كل مرة احاول اثريهو بكل معلومة مهمة
واللي عايز يشاركـ فيهو اهلا بيهو

(( قلبت سوداني بحت))
:0361::0361::0361:

يلا بدووون نقة ندخل في الموضووووع

نبع الوفاء
10-22-2007, 05:34 AM
يبدأ اهتمام المجتمع السوداني بالفتاة بمجرد أن ‏تبلغ سن الثالثة عشرة، فتقوم الأم بتعليمها كيفية تصفيف شعرها الى ضفائر كثيرة تعرف ‏""، وهو أشهر ما يميز المرأة السودانية، ثم تدرج إلى تعليمها دروس الطهي ‏ ‏وأهمها "الكسرة"، وهي عجينة من الذرة توضع في إناء خاص يسمى "الصاج".‏
‏ وخلال هذه الفترة الحرجة بالنسبة للفتاة الصغيرة يقل خروجها بشكل عام، ويعني ذلك أن الفتاة بلغت سن الزواج، ويعتبر بمثابة ‏دعوة للشباب للتقدم للزواج منها .‏‏ وللزواج السوداني العديد من العادات المتفردة التي بدأ بعضها في الاندثار في ‏ظل التطور العام، ولكن معظمها لا يزال باقيا في الريف ووسط الأسرة التقليدية، وقد ‏ساهم تماسك النسيج الاجتماعي على استمرار معظم عادات الزواج في المجتمع السوداني.
فطلب يد الفتاة للزواج له أصول وترتيبات، فالشاب عندما يسمع أن الأسرة الفلانية لها بنت في سن الزواج يرسل لها امرأة لتصف له ملامحها وأوصافها ‏ أولا، وبعد أن يوافق وتوافق أسرة الشاب على ‏اختياره، يتولى والده مهمة إبلاغ والد الفتاة الذي عادة ما يطلب إمهاله مدة ‏أسبوعين للتشاور مع الأسرة، وخلال هذه الفترة تجري مشاورات لمعرفة إن كان هناك من ‏يريدها من أبناء عمومتها، وإن لم يوجد تعطى الموافقة.‏
وقبل تحديد موعد للزفاف، تأتي أم العريس ومعها بناتها المتزوجات وأخواتها إلى ‏والدة العروس لتطلبها مرة ثانية من أمها، ويأتي إعلان الموافقة بعبارة معهوده وهي: ‏"خير وألف خير، أعطيتك البنت لتكون ابنة لك وزوجة لابنك" وبعد سماع هذه الجملة ‏ ‏تقوم أم العريس بوضع مبلغ رمزي من المال، وهذه العادة تسمى "فتح الخشم" أو "قولة ‏خير" أي تقديرا لوالدة العروس التي رحبت بأهل العريس وقالت لهم قولا طيبا.




((سد المال))

يحدد اهل العريس موعد لاهل العروس لاحضار سد المال وهو عبارة عن المهر والشيلة
، تحتوي الشيلة على ملابس للعروس والعطور ،
عطور ناشفة مثل الضفرة والمسك والقرنفل والعطور السائلة مثل الفلير دمور
وعطر الصاروخ والصندلية والمحلبية والسرتية والمجموع ،
بالاضافة الي المواد التمونينية اللازمة لصنع الوليمة ومنها السكر وزيت الطعام ودقيق
القمح ودقيق الزرة ،
وفي ليلة سد المال تتم التجهيزات في منزل العروس حيث تتم دعوة
الاهل والاقارب والجيران
وتقدم المرطبات والحلويات وتحرص والدة العروس على دعوة
قريبات العروس الاخريات من النساء الطاعنات في السن وخالاتها وعماتها وجاراتها ،
ويحضر من اهل العريس النساء فقط لجلب الشيلة وهن يرددن الاغاني
التي تمجد حسبه ونسبه وتتحدث عن كرم اصله ومن الأغاني التي تتداول في هذه المناسبة

أم العروس إحنا جينا
البيت ما بشيلنا
دقي لينا خيمة
أم العروس إحنا جينا
غدانا بقرة وعشانا ناقة

وبعد انتهاء طقوس ومراسيم استلام المهر تستعد ام العروس للتحضير لحفلات الفرح.


وتقوم والدة العروس بحبس ابنتها مدة تصل لثلاثة أشهر في داخل غرفة لا تصلها ‏فيها الشمس، وتحفر لها حفرة عميقة يوضع بداخلها إناء فخاري كبير تدس داخله أعوادا ‏من أشجار "الطلح والشاف" وتشعل فيها نارا هادئة لتجلس العروس على حافة تلك ‏الحفرة بعد أن تخلع جميع ملابسها، وتلتف بقطعة كبيرة من قماش الصوف الوبري الخشن ‏تسمى "الشملة" ويمسح جسمها بزيت خاص ولا تقوم من تلك الحفرة حتى يتصبب منها العرق ‏ ‏بكميات كبيره لمدة تتجاوز الساعتين، وتسمى هذه العادة "بالدخان"، وهي عبارة عن حمام ‏ ‏بخار، وتداوم العروس خلال هذه الفترة على فرك جسدها بعجينة من الذرة والزيت تسمى ‏"اللخوخة" لنعومة البشرة وصفائها.‏



×××××××××××××××××××××

(((دق الريحة ))))


دق الريحة من طقوس الزواج السوداني وهو مناسبة اجتماعية جميلة جدا ،
حيث تقوم أم العروس بدعوة جارتها وصديقاتها ونساء الاسرة في يوم دق الريحة ،
ودق الريحة تقوم به نساء مختصات ولهن خبره في صنع ريحة العروس بجميع
انواعها الناشفة والسائلة والدلكة والخمرة وخمرة الزيت الخاصة بالعروس ،
في يوم دق الريحة تردد البنات الأغاني المعبره عن فرحتهن.


يتـــــــــــــــــــــــبع

نبع الوفاء
10-22-2007, 05:41 AM
وأثناء فترة حبس العروس تقوم والدتها وخالاتها وعماتها بإعداد العطور الخاصة ‏بها، وهي أنواع متعددة من المسك والعنبر والصندل والمحلب وغيرها، وتصنع من هذه ‏ ‏المواد عطر قوي الرائحة يسمى "الخمرة"، ثم يجهز عطر يتكون من عطور خام مغلية بزيت خاص، ثم تعد لها حبات الدلكة وهي قطع من عجين القمح ‏ ‏والمسك معطرة في شكل دوائر لتدليك الجسم.‏‏ وقبل ثلاث ليال من يوم الزفاف تجهز الغرفة التي بها العروس إيذانا ببدء مراسم ‏وضع الحناء ونقشها على يديها وقدميها من قبل امرأة متخصصة بهذا العمل تسمى ‏"الحنانة"، وتشمل تجهيزات الغرفة وضع "جريد النخيل الأخضر" الذي تزين به الجدران ‏في أشكال بديعة، ثم تفرش أرضية الغرفه بسجاد أحمر اللون، ويؤتى بسرير من الخشب ‏ ‏المخروط يوضع فوقه بساط من سعف النخيل يسمى "البرش" مطلي باللون الأحمر، وتجلس عليه العروس ‏مرتدية الثوب السوداني المعروف، ويكون أيضا أحمر اللون، وتوضع أمامها صينيه خاصة ‏مزينة بالورود الحمراء تعرف بـ "صينية الجرتق"

http://www.c5c6.com/show.php?month=5-2007&filename=c5c6_com_vxmnbm6v.jpg

عليها صحن مخلوط فيه الحناء ‏وزجاجات من الصندلية والمحلبية والسرتية، وهي مواد تستخدم في وضع الحناء، وتبدأ ‏ ‏الحنانة في نقش أشكال مزخرفة جميلة،

http://www.h2.dion.ne.jp/~maitri/photo/tabinikki/hena1.jpg

وأثناء الرسم تغني صديقات العروس أغنية مشهورة ‏"العديل والزين".

نبع الوفاء
10-22-2007, 05:47 AM
ولا يقتصر وضع الحناء للعروس فقط، بل توضع كذلك للعريس قبل يومين من ‏‏ليلة الزفاف على أنغام الغناء الشعبي، ويرتدي الزي الشعبي "الجلابيه والسروال ‏الطويل والشبشب الأبيض"

حيث تقام الحفلة والزغاريد وتردد اغاني كثيرة هذه الاغاني مخصصه لمناسبة حنة العريس وكثيرا جدا ما نجد الام او خالة او اخت العريس تألف اغاني وترددها كثيرا وتحفظها النسوة ، هذه الاغاني تسمي السيرة ، من اغاني السيرة التي تردد

في حنة العريس ،يمة الخير بريدو حننوه الليلة يوم جديدو حننو
شوف اصحابو جوهو حننو وقفو شرفوه سيرو
شوف خالاتو جوهو حننو وقفوا جرتقوه الليلة سيرو
ومن العادات الجميلة في حنة العريس يقوم اصحاب العريس بحمل العريس فوق الاعناق ويلف به وتزغرد النساء ويرددن أغاني السيرة المشهور


ويقوم أصدقاؤه خلال الحفل بإعلان تبرعاتهم المالية ‏للعريس، ويطلق عليها"الكشف"، وهي تفوق بعض الأحيان تكاليف الزواج وما أنفقه العريس ‏في التجهيزات الأوليه لزواجه.‏‏ ويأتي اليوم المحدد لعقد القران يكون في منزل أهل العروس، حيث تذبح الخراف ‏والثيران، وتقام مأدبة كبيره تحتوي عادة على اللحوم والخضر بأنواعها المختلفة، ويتم ‏عقد القران عادة في أقرب مسجد لمنزل أسرة العروس، ويكون عقب صلاة العصر، وبعدها ‏تطلق بعض الأعيرة النارية من جهة الرجال، يقابله صوت الزغاريد من جهة النساء ‏ ‏وصرخات الأطفال وهم يلتقطون قطع الحلوى والتمر التي تقذف في الهواء

يتـــــــــبع

7mada
10-22-2007, 06:22 AM
ياااااااا ساااااااااااتر

الحاجات دي كلها

سد المال

دق الريحة
الجرتق



والله شكلنا ما حنعرس والله


لكن علي العموم مشكورة يا نبوعة علي الموضوع المدهش دا


وعلي فكرة انتي شايف ليك شوفة ولا شنو

لانو موضوع جاء في وقت حساس خالص الصراحة

قيتو يا خبر النهار دا بفلوس بكرة يبقا بي بلاش

نبع الوفاء
10-22-2007, 06:41 AM
الضريرة

الضريرة قد خف بريقها عندنا في السودان وكادت تختفي ، وهي عربية قديمة اصلها (الذريرة) قلبنا ذالها ضاددا فقلنا (الضريرة) على عادة السودانيين ، والضريرة اخلاط من الطيب اساسها المحلب وبعض العطور اللينة واليابسة ، تُذر على رأس العريس ، وقد كانت عادة سائدة في وقت قريب من الزواج والختان ، وما زلنا نذكر شكل بعض العرسان معصوبي الرؤوس وفي نوافيخهم مثل كوم الرمل المُبلل بالرمل من الضريرة وفي ارساغهم الخرزة الزرقاء والحريرة الوردية ، وعلى جباههم الهلال الذهبي ويغنون للعريس غُنا السيرة

العديل والزين انا مُنايا ليه

سيرتو بالاتنين موقوا شدو ليه

وتكثر صفوف صواني الريحة والعطور ودخان البخور الذي يسد الأفق يُزاحم الزغاريد ، ثم بادت كل هذه الأشياء وبقية المنظومة الفلكورية ، إلا عند القلة ، ولم تبقى إلا لمسة خفيفة من الضريرة تُصر عليها ألام المتشددة ، او الهلال المركب على جيب البدلة يتميز بها العريس من اصحاب بدل المجاملين
ايضا من استعمالاتها توضع على رأس الميت ، ولكن من عاداتنا انهم يذُرونها على الميت اذا اعتبط أي مات شاباً ولم يتزوج ، وقد يربطون له الحريرة ، وهو الذي تقول عنه كبيرات السن (عريس الخلا والشدر اليابس) ، ويُعبرون عن الأسف لمن في هذه السن بقولهم (لا ضاق الضريرة ولا لبس الحريرة

يــــــــــــــتبع)

نبع الوفاء
10-22-2007, 07:06 AM
نواااااصل

(((الجرتق)))



تبدأ الاتعدادات والعادات الخاصة بتجهيزها وتهيئتها للفرح ،،
حيث تتجمع فتيات الحي من رصيفات العروس للرقص على
أنغام الغناء بالدف وهو الدلوكة وتستمر هذه العملية الشاقة
لأيام طويلة وتسمى التعليمة ويمتلئ منزل أهل العروس بالأقارب
والجيران والزوار وتعم مظاهر الفرح والبهجة وترتفع زغاريد
النساء معبرة عن الفرح ،، من عادات تجهيز العروس عملية
الدخان وهي عملية تشبة حمام البخار تقوم بها العروس التي
تجلس على حفرة الدخان توقد بالنار ويوضع عليه حطب الطلح
المعروف برائحته الذكية الطيبة وتغطي نفسها جيدا حيث يعمل
الدخان المتصاعد من احتراق حطب الطلح

على فتح حمامات البشرة وترطيبها وإكسابها لونا اسمر يلي
ذلك عملية تنظيف البشرة من الشعر غير المرغوب باستخدام
الحلوة والتي تساعد العروس فيها شقيقاتها أو بنات عمها ،
وغالبا ما تلزم العروس منزل أهلها فلا تخرج منه إلا لضرورة
القصوى وذلك للحفاظ على جمال بشرتها وزينتها

ومن العادات المتبعة أن تمتنع العروس عن التحدث مع العريس
إلا بعد أن يدفع جزء من المال أو حلية من الذهب ، وعليه أن
يدفع ما يسمى بحق البنات وهو عبارة عن فواكه وحلوى
وخروف وتجتمع البنات في هذا اليوم ببيت العروس ويسمى
بيوم القيلة والغناء لان العريس يستلم العروس ويحضر
مع أهلة وسط الغناء والزغاريد بعد اتمام مراسم عقد القران

(((طقوس الجرتق )))
تجري طقوس الجرتق حيث يذبح الخروف وتوزع الحلاوة والفاكهة
على الحضور وسط الغناء البنات وتتنقل العروس للبقاء مع زوجها
، وغالبا ما يكون أهلها قد جهزوا لها مكانا مناسبا للسكن في المنزل
، وتحضر صينية الجرتق وتتكون الدلكة والبخور والمحلب ومسحوق
الصندل والخمرة والكركار وهو عبارة عن زيت بمكونات معينة
يستخدم لدهان الشعر ، وتحتوى الصينية على الحق والمخبر وصحن
الحنة وبه شموع ملونة مشتعلة والبنين تصاحب الجرتق ليلة الدخلة

وهو سيد تلك الطقوس بلا منــازع حيث يجتمع أهل العروسين
وأصدقاء العريس والجيران حول عنقريب الجرتق وهو عبارة
عن سرير من الخشب توضع فيه ملاءة خاصة ذات لون احمر
جذاب وحوله جريد النحيل ولا بد أن يستقبل (القبلة )وأمامها صينيةا لجرتق
، ويعتبر الجرتق فال حسن وفي لحظات الجرتق تقوم البنات بوضع الحناء
على أيدي أصحاب العريس وخاصة الوزير وهو الشخص المقرب من العريس.

نبع الوفاء
10-22-2007, 07:08 AM
يوجد بالسودان عادة جميلة تقوم فيها العروس (بحراسة) العريس بأداء رقصات جميلة تمثل مختلف بقاع و ايقاعات أهل السودان ترتدي فيها العرو س اجمل الازياء مما يظهر جمالها و قوامها و تقوم العروس بالرقيص على انغام (الدلوكة) و صوت الغناية
حيث تتجمع فتيات الحي من رصيفات العروس للرقص على أنغام الغناء بالدف وهو الدلوكة وتستمر هذه العملية الشاقة لأيام طويلة وتسمى التعليمة ويمتلئ منزل أهل العروس بالأقارب والجيران والزوار وتعم مظاهر الفرح والبهجة وترتفع زغاريد النساء معبرة عن الفرح ،،

http://www.c5c6.com/show.php?month=5-2007&filename=c5c6_com_4a0m4lty.jpg

رقيص شديد بالحيل ,رقيص اتدربت عليو اسابيع او شهور علي حسب قدرتة على الرقيص و حسب امكانياتة الشخصية لكن اهم شي انها تكون ما (شترة) و يتضمن الرقيص لعبة جميلة بين الزوجين حيث يتوجب على العريس ان يمسك العروس قبل ان تقع على الارض وتقوم العروس باغتنام فرص للسقوط لتكسب النقاط التي يفرح بها اهل العروس كتير جدا.....

يتـــــــــــــــبع مرة تانية خلاص كفاية

:0361::0361::0361::0361:
واتمنى انكم استمتعتوا بالبوست
سلااام

نبع الوفاء
10-22-2007, 07:14 AM
ياااااااا ساااااااااااتر

الحاجات دي كلها

سد المال

دق الريحة
الجرتق



والله شكلنا ما حنعرس والله


لكن علي العموم مشكورة يا نبوعة علي الموضوع المدهش دا


وعلي فكرة انتي شايف ليك شوفة ولا شنو

لانو موضوع جاء في وقت حساس خالص الصراحة

قيتو يا خبر النهار دا بفلوس بكرة يبقا بي بلاش




لووووووووووووووووووووووووووووووووووول
ما للدرجة دييييييييييييكـ يا حمادة
الله عالم بالنوايا
خخخخخخخخخخخخ

يسلموووووووووووووو عالطلة
ومنتحرمش منها يارب
ثلااامي

Masood
10-22-2007, 10:09 AM
يا ريت لو تقوم الادارة بتثبيت هذا الموضوع ......يا ريييييييت

مشكوووووورة نبع الوفاء على الموضوع القنبلة


مسعود

shtat
10-22-2007, 12:32 PM
تسلمي والله ما خليتي حاجة في العرس

لكن في فطووووووووور العريس ما شايفك جبتيهو وحاجات كده تبع الشيلة والحركات

ياريت تتابعي وتكملي للطرح الرائع

تسلمي ياغالية

دائما منووووووووووووووره

اخوكي

شتات

سمراء
10-22-2007, 12:42 PM
مجهود مميز وبوست ممتع نبوعة
واصلي ولكي الف شكر:kkk:

ŁєอĐєЯ
10-22-2007, 01:33 PM
ما شاء الله

والله طلعتي ما هينة

لاكين انا شايف انو كثير من العادات دي بدأت تختفي في الوقت الراهن

Masood
10-22-2007, 01:52 PM
ما شاء الله

والله طلعتي ما هينة

لاكين انا شايف انو كثير من العادات دي بدأت تختفي في الوقت الراهن


Leader اتفق معك تماما فيما ذكرت .....ولكن هل هذا مؤشر جيد ام لا ؟ في رأي ان شعب لا يحافظ على عاداته الجميلة هو شعب سهل الاختراق من قبل الاعداء والمتربصين . يا ريت لو حافظنا على عادات الزواج هذه مع تبسيطها بدلا من اللجؤ الى عادات دخيلة ..مثلا ....اصاب بالغثيان عندما احضر مناسبة زواج وتكون زفة العرسان بالموسيقى المصرية او اي موسيقى اجنبية اخرى ..او ان يقوم العرسان بالرقص الذي لا يشبهنا Slow dance ؟؟؟؟ ليه ؟ ووين رقيص الرقبة والعرضة ورقصة السيف وغيرها من الرقصات السودانبة الصرفة ؟ او ان يكون فطور العريس عبارة عن بقالة بحالها ..يعني نظام شوفوني ؟ يا ريت لو طورنا العادات دي وبسطناها بدلا من التخلي عنها ......يا رييييت


دمتم وفي انتظار المزيد اخت نبع الوفاء


مسعود

نبع الوفاء
10-23-2007, 12:59 AM
يا ريت لو تقوم الادارة بتثبيت هذا الموضوع ......يا ريييييييت

مشكوووووورة نبع الوفاء على الموضوع القنبلة


مسعود

تشكـــــــــرات يا مسعود على ردكـ المعبر دا
وبالجد ماعارفة اقول ليك شنو
الف شكر يا باشا


تسلمي والله ما خليتي حاجة في العرس

لكن في فطووووووووور العريس ما شايفك جبتيهو وحاجات كده تبع الشيلة والحركات

ياريت تتابعي وتكملي للطرح الرائع

تسلمي ياغالية

دائما منووووووووووووووره

اخوكي

شتات

ههههههههههههههههههه
كلو في بس شيلو الصبر لسة ما كملت
والروووعة في طلتك يا شتاتنا
ومنوووووووور المنتدى برجوعكم



مجهود مميز وبوست ممتع نبوعة
واصلي ولكي الف شكر

سموور حبيبة قلبي من جوة
تسلميلي يارب




ما شاء الله
والله طلعتي ما هينة
لاكين انا شايف انو كثير من العادات دي بدأت تختفي في الوقت الراهن

:0361::0361:
شفت كيف؟!!
صح كلامك كتير منها انتهى وخصوصا كدا بداية البوست فيهو حاجات كتيرة شبه انعدمت
بس عايزين نعمل ليها توثيق وكدا
لووووووووول

يسلمو ليدر



Leader اتفق معك تماما فيما ذكرت .....ولكن هل هذا مؤشر جيد ام لا ؟ في رأي ان شعب لا يحافظ على عاداته الجميلة هو شعب سهل الاختراق من قبل الاعداء والمتربصين . يا ريت لو حافظنا على عادات الزواج هذه مع تبسيطها بدلا من اللجؤ الى عادات دخيلة ..مثلا ....اصاب بالغثيان عندما احضر مناسبة زواج وتكون زفة العرسان بالموسيقى المصرية او اي موسيقى اجنبية اخرى ..او ان يقوم العرسان بالرقص الذي لا يشبهنا Slow dance ؟؟؟؟ ليه ؟ ووين رقيص الرقبة والعرضة ورقصة السيف وغيرها من الرقصات السودانبة الصرفة ؟ او ان يكون فطور العريس عبارة عن بقالة بحالها ..يعني نظام شوفوني ؟ يا ريت لو طورنا العادات دي وبسطناها بدلا من التخلي عنها ......يا رييييت
دمتم
وفي انتظار المزيد اخت نبع الوفاء

مسعود


صح كلامك لانو ماكل حاجة بتفضل زي ماهي الزمن اتغير والناس برضو فهمهم اتغير تبعا لذلكـ
وان شاء الله مواااصلة


الف شكر

**** ومتشكرين عالتثبيت وكدا
:hapy::hapy:

نبع الوفاء
10-23-2007, 05:39 AM
http://www.alnilin.com/sudaniat/images/1zina2.jpg


زمان كانت زينة العروس مبسطة وتقليدية للحد البعيد ، ولكنها لم تكن تخلو من لمسات الجمال التي يساهم في تكوينها استخدام قطع الحلي والمواد التقليدية التي تضفي قدرا من الرونق على زينة العروس حين تكون في كامل حلتها ،، وكانت العروس ترتدي الرحط وشعرها ممشط بطريقة دقيقة وجميلة وتزين رأسها بكمية من الذهب والسوميت اللؤلؤ


، كما كانت تضع على شعرها الممشط قطع الطاعات والشكلات والشريف والشيال ويزين جبين العروس بالأرمل أو الودعة ، وفي عنقها المطارق والنقار والسعفة والفتيل وعقد البندق وعقد الجلاد وعقد السوميت والحجاب الذي كان يمسك به العريس

أثناء أداء العروس للرقصات التقليدية على أنغام الدلوكة


أدوات زينة العروس
تستعمل العروس في زينتها عدة أدوات مواد فعلي رأسها تضع الشريفي وهو عبارة عن قطع دائرية من الذهب أما على مقدمة رأسها فتضع (الطاعات وهي عبارة عن قطع ذهبية مما يسمى بالجنية الذهبي المعروف الإنجليزي بالإضافة إلي خرز احمر وقصيص ابيض اللون ،، أما المنطقة فوق الأذنين فهي تزين (بالشكلات) وهي كالطاعات في الشكل العام في الراس وفوق الاذنين تماما ، اما الاذن نفسها فهي تزين بالخروس ومفردها خرسة وتعرف ايضا بالغرو او الغرايات وهي تشبه في شكلها العام شكل الهلال وتعلق الخروس فوق الاذن بحيثتتصل (بجفلة) الراس او (الجدية) وحفلة الراس هي مجموع الزينة على الراس ،، ثم يلبس (الرشام) أو (الرشمة) على الانف بحيث يتصل (بالزمام) الذي يثبت على الاذن اما على عينها فتضع العروس الكحل او الدلال للزينة ،، حينما تنزل قليلا من الراس نجد ان عنق العروس يزين بالمطايق والنقار بالاضافة الي سبحة اليسر والكثير من العقود الاخرى والسلاسل مختلفة الاحجام والاشكال ولكن بعض المجموعات تقوم باستعمال نوع خاص من انواع سبحة اليسر والذي يتخذ في شكل مربع في وسط حبات السبحة كما ترتدي العروس ايضا على عنقها الحجاب للزينة وللحفظ من العين وتزين ايدى العروس بالغوائش الذهبية التي تعرف بالبهل وايضا بسوار من الفضة اما اصابع اليدين فتحلى بعدد من الخواتمالذهبية والفضية المحلاة بالاحجار الكريمة والصناعية اما ارجل العروس فغالبا ما تزين بالحجول الفضية ومفردها حجل وبعض المجموعات تلبس العروس حجل من اللولي بشكل مربع ،
اما الحنة فتستعمل كاحد مواد الزينة للعروس ولكنها تتضمن ايضا محتوى اجتماعيا كرمز مميز لانتقال الفتاة من مرحلة العذرية الي عالم النساء

نبع الوفاء
10-23-2007, 06:30 AM
هواليوم الذي يلي يوم الدخلة ، وهو مواصلة لطقوس الزواج القديم "ترك الان" ، قديما لان الحفلات كانت تقام حتى الصباح "حفلات صباحي "، كانت الصبحية امتدادلحفل الدخلة، لان حفل الدخلة ينتهي صبيحة اليوم التالي وهو يوم الصبحية فبعد تناول شاي الصباح في مكان الحفل، ياخذ الحضور استراحة صغيرة ، ثم يتناولون الافطار وتتواصل الطقوس ، وقديما غالبا ما يكون رقيص العروس في يوم الصبحية


××××××××××××
وطبعا في الوقت الحااالي اليوم دا اختلف كتير عن زمان
وخصوصا فطور العريس..... دا يقو يدفعوا فيهو نص المهر
طبعا ام العروس وكدا ودي بنتها والكلامات دي

×××××××××
المهم في الوقت الحالي بقى فطور العريس يوجد به كل ما تشتهيه الانفس من خرفان محشية ودجاج .... ومشاوي
وكافة انواع الفواكه والعصائر
بعد ماكان سابقا
(((( صحون عصيدة وملاح روب ابيض وتقلية وشعيرية خخخخخخخخخخخ)))
:0361::0361::0361:

وطبعا بي الصبحية كدا العرس=الفرح بيكون انتهى
وعقبال العاوزين
:hapy::hapy:


تابعونا في الحلقة القاادمة مع
(((مويــــــــــة رمضان)))
:0361:

سودانى
10-23-2007, 02:49 PM
سد المال زمان كان حبة بس اسى اييييييييييييييييييييييييك :dunno::037:

نبع الوفاء
10-24-2007, 04:23 AM
ههههههههههههههههه

على قولكـ والله

sweet
10-24-2007, 07:07 PM
طبعا رووووووووووووووووووووووعه
بالجد استمتعت بالموضوع
وعجبني شديد
وعاداتنا جميله ورائعه وبنفتخر فيها

وبالجد العرس السوداني من اجمل الأعراس العربيه




على فكره الصفات الذكرتيها عن بنات السودان معناته احنا ما سودانيات ولا شنو

عواسه كسره وطبيخ وبرنامج زي ده



ثانكس يا عسل

honey girl
10-25-2007, 12:02 AM
يا بت لا

بسحرووووووووووووووكـ

والله لكن طلعتي ماهينة يا اختي هع

طبعا بوست رووووووووووعة وابدااااااااااع يانبع

تسلم يدينك ياعسل

ومانتحرم منكـ
*************


على فكره الصفات الذكرتيها عن بنات السودان معناته احنا ما سودانيات ولا شنو

عواسه كسره وطبيخ وبرنامج زي ده

هههههههههههههههه

لا سودانيات بس يتخايل لي عشان كدا بيقولو لينا حناكيش والكلام دا

لووووووووووووووووووووووووول

نبع الوفاء
10-28-2007, 05:23 AM
طبعا رووووووووووووووووووووووعه
بالجد استمتعت بالموضوع
وعجبني شديد
وعاداتنا جميله ورائعه وبنفتخر فيها

وبالجد العرس السوداني من اجمل الأعراس العربيه

الرووووعة في جيتكـ يا عثلي
ومنوووووورة



على فكره الصفات الذكرتيها عن بنات السودان معناته احنا ما سودانيات ولا شنو

عواسه كسره وطبيخ وبرنامج زي ده



ثانكس يا عسل

هع وتاني هع

خليها سااااااااااااي كدا بالنية بس يا سويت

يسلمووووووووو

نبع الوفاء
10-28-2007, 05:30 AM
يا بت لا

بسحرووووووووووووووكـ

والله لكن طلعتي ماهينة يا اختي هع

طبعا بوست رووووووووووعة وابدااااااااااع يانبع

تسلم يدينك ياعسل

ومانتحرم منكـ
*************

هني انت حبيبة قلبي من ويييين؟!!
اعمل ليكي زي ما بعمل لكوكيز
هع هع هع
ثااااااااااااانكس يا عسلنا
منتحرمش من طلتكـ

نبع الوفاء
10-30-2007, 03:01 AM
رمضان فى السودان له استعداد خاص
فمنذ شهر رجب تبدأ الحركه فى الاسواق والتى تزدحم ببضائع رمضان المعروفه
وما يلفت النظر ان ربات البيوت فى السودان اعتدن على تجديد كل اوانى المطبخ احتفالا بشهر رمضان
وذلك بشراء
أطقم للعشاء والشاى والقهوه وصوانى للشربات والعصائر. اما مائدة الافطار فى السودان يكون على رأسها مشروب "الحلو المر"
والذى يتم تحضيره بتجهيز نوع معين من الذره ويتم زراعته داخل المنازل فى جوالات من الخيش او البلاستيك وعندما يصبح اوراقا وجذورا تقطع وتكون محمله بقدر كبير من السكريات والبروتينات

ثم يجفف فى الشمس ويخلط بانواع اخرى ويخمر لاكتساب المزيد من السكريات ويعد على النار فى شكل رقائق تنقع فى الماء عند الاستعمال وتصفى ويضاف اليها القليل جدا من السكر والعديد من البهارات.



وبجوار" الحلو مر" على المائده السودانيه فى رمضان يوجد اللحم المجفف الذى يتم شراؤه قبل شهر تقريبا من رمضان ويقطع اللحم المشترى ويجفف ويفرم ويترك جاهزا للاستعمال ويجفف معه البصل ويحمر تحضيرا لوجبه سودانيه رمضانيه معروفه تسمى" الشرموط" ويؤكل مع العصيده او رقائق الكسره الشهيره.



كما تضم المائده السودانيه فى رمضان وبشكل مميز" البليله" وهى عباره عن الحمص وانواع من البقوليات المسلوقه او القمح المسلوق والويكا (الباميه).

ومن عادات السودانيين فى رمضان
الافطار بعد صلاة المغرب على أكل خفيف مثل الطعميه والفول والبيض المسلوق بجانب العصيده

وبعد صلاة التراويح
يتم تناول وجبة العشاء التى تتكون من اللحوم والخضار ثم وجبة السحور على الزبادى واللبن.
واكثر ما يميز السودانيين برمضان عادة الافطار الجماعى وهو من عاداتهم الأصيله حيث تقوم كل مجموعه من المنازل متجاوره بافطار جماعى فى الشارع ويقطعون الطريق على الماره فى الطريق ويصرون على مشاركتهم
فى هذا الافطار.....

Masood
10-30-2007, 09:57 AM
واصلي ......المتابعة مستمرة

تسلمي

سمراء السودان
10-30-2007, 10:37 AM
نبــــــــــــــــــــــــــــــــــــــــــــــــ ــــــــــــــــــــع الوفـــــــــــــــــــــتاء ياعثلـــــــــــــــــــنا


يثلموووووووووووووووووووو عالموضوع الاكثررررررررررررررررررررر من رائع

تقبلي مروري

up & down
10-30-2007, 03:15 PM
ههههههههه ايوة بالضبط كده يا سويت

انتي ما سودانية هع

و الموضوع رهيب زيك يا نبوعة

ههههههه لكن الجرتق غير خالص من الأنا شفتو

انت بتلعبي علينا و لا شنو؟!

نبع الوفاء
10-31-2007, 05:27 AM
واصلي ......المتابعة مستمرة

تسلمي

يسلمك ربي مسعود
الف شكر


نبــــــــــــــــــــــــــــــــــــــــــــــــ ــــــــــــــــــــع الوفــــــــــــــــــــــــاء ياعثلـــــــــــــــــــنا


يثلموووووووووووووووووووو عالموضوع الاكثررررررررررررررررررررر من رائع

تقبلي مروري

منورة بمرورك يا حبيبة
منتحرمش يارب



الموضوع رهيب زيك يا نبوعة

ههههههه لكن الجرتق غير خالص من الأنا شفتو

انت بتلعبي علينا و لا شنو؟!

هع هع
لا اتطمني يا اب
دا الحاصل ياحبيبتي

يسلموووووووووو

نبع الوفاء
10-31-2007, 05:33 AM
التكل (( بضم التاء والكاف))

هو المطبخ في البيت السوداني
على أيام زمان وهو غرفة في منتهى البساطة بها نوافذ صغيرة تسمى طاقات ومفردها طاقة ( أي نافذة صغيرة ) , وتحتوي غرفة المطبخ (التكل) على

مطحنة الذرة وتسمى المرحاكة وهي عبارة عن قطعة حجر كبيرة يدفن جزءها الاسفل في الارض ويبقى نصفها الاعلى بارزا وتحافظ ربة المنزل على نظافتها , وينتهي طرفها الامامي بوعاء فخاري يتجمع فية الطحين واحيانا يجمع الطحين الذي يلين بالماء في اناء خارجي ويستخدم حجر صغير مقطوع بطريقة جيدة في سحق الذرة التي تنظف مسبقا .

وتكسر الذرة مسبقا الى اجزاء دقيقة بواسطة مدق يسمى الفندك وهو مصنوع من خشب جزوع الاشجار , وتستخدم المرحاكة كبديل للطواحين التي لم تكن متوفرة حينها .


وتعتبر الكسرة
هي الخبز الشائع عند اغلب اهل السودان , ويتطلب تحضيرها عدد من الادوات التي كانت المراة السودانية تحتفظ بها في التكل

ومن تلك الادوات الخمارة وهي اناء فخاري يسمى البرمة ويحفظ فية دقيق الذرة المخلوط بالماء بنسبة معينة حتى يتخمر بقدر معين ليصبح بعد ذلك جاهزا لعملية اعداد الكسرة التي تسمى العواسة على صاج من الحديد يسخن سطحة المصقول باللهب المنبعث من قطع الحطب التى توضع تحته وتكون درجة التسخين مضبوطة جيدا بحيث لاتؤدي الى احتراق وتيبس الرقاقة (الطرقة) التي تفرد علية باستخدام قطعة من السعف القوي تسمى القرقريبة , ويمسح سطح الصاج بقدر خفيف من الزيت لتمليسة طيلة فترة العواسة .

ومن ادوات المطبخ السوداني في تلك الايام

(الدوراية) وهي اناء فخاري صغير يستخدم كطنجرة لطبخ الملاح بالاضافة الى المفراكة التي تشابة ادوات الخلط وتستخدم لخلط الملاح اثناء عملية الطبخ وهناك ايضا اللدايات وهي ثلاثة او اربعة قطع من الحجارة التي توضع الدوراية بالاضافة الى مقعد تقليدي بنبر للجلوس والمشلعيب الذي تعلق فية الماكولات لحفظها لليوم التالي , وهو عبارة عن شبكة صغيرة مفتوحة من طرفها الاعلى تعلق لتدلى من سقف الغرفة ويحفظ فيها الطعام بعيدا عن الحشرات , والاتربة ويستفاد فيها هنا من عملية التهوية التي تتوفر للمشلعيب .

ومن ادوات المطبخ ايضا
الطباقة ومفردها طبق وهو غير الطبق او الصحن بمعناه المعروف , والطبق الذي تستخدمة ربة البيت السوداني على ايام زمان هو اناء مسطح توضع علية الكسرة ويستخدم لوضع اغراض الطبخ من خضروات وخلافها علية .

كما يستخدم النوع المجدول من السعف الملون , والذي يضفر بطريقة جميلة تتيح تجانسا رائعا من السعف الملون كغطاء للقدح الذي يوضع علية الطعام بعد تجهيزه واعداده لوضعه على المائدة , وهناك كاس ومكمامة لغرف الطعام والملاح وهناك ايضا الملاحة وقداح من الخشب المنقوش والتي تقدم عليها اصناف الطعام وسكين لتقطيع اللحم والخضروات وفندك صغير تدق علية البهارات وهو اداة تستخدم لنفس الغرض الذي تؤدية المطحنة في المطبخ الحديث .
هذا وصف مختصر لمحتويات المطبخ الرئيسية في ايام زمان , وقد تم التركيز فية على الاجزاء الرئيسية التي تستخدمها ربة المنزل .





ولا تزال المراة في اغلب ارياف السودان تستخدم هذه الادوات على عكس ماطرأ من تطور في المطبخ الحديث الذي اتاحتة التكنولوجيا المتقدمة في المدن والمراكز الحضرية حيث أصبحت المرأة المتعلمة في المدن تستعين بالادوات الكهربائية من طناجر الطبخ بالبخار المضغوط والخلاطات وافران الغاز وغيرها .




يتـــــــــــبع لاحقا

التجاني خضر
10-31-2007, 03:31 PM
الاخت نبع الوفاء :

شكرا ليك على المعلومات القيمة واللي بتؤكد قيم وموروثات المجتمع السوداني الاصيل بكل اعرافو وتقاليدو وسحناتو وقبايلو ودياناتو

شكرا ليك مرة اخرى
:015111::kkk::kkk::015111:

نبع الوفاء
11-01-2007, 01:17 AM
الاخت نبع الوفاء :

شكرا ليك على المعلومات القيمة واللي بتؤكد قيم وموروثات المجتمع السوداني الاصيل بكل اعرافو وتقاليدو وسحناتو وقبايلو ودياناتو

شكرا ليك مرة اخرى
:015111::kkk::kkk::015111:



الف شكر على مروركـ العطر التيجاني
وحيااااكـ الله

نبع الوفاء
11-02-2007, 12:56 AM
العنقريب

هو سرير منسوج من الحبال، وهو من علامات الفولكلور السوداني، وقلما يظهر في دولة اخرى بالمواصفات السودانية ذاتها، وقد ظهر اولا في شمال السودان. ويسمى عند النوبيين “انقري” وعند النيليين “الدقاق” وعند البجا “السيداب” وفي الوسط “القدو الشباح”. وكان العنقريب من اثاث الملوك يزخرف بالعاج والأبنوس والذهب.


http://www.mugrn.net/up/uploads/af106f1562.jpg

(( للأمانة الصورة ملطوشة من ود عبدالكريم)):hapy:




تعتبر، تاريخيا، عائلة النفيراب أشهر من صنع العنقريب في السودان، وقد احتل مكانته دهورا طويلة قبل
ان يختفي خلال السنوات الماضية، ويعود بمظهر آخر هو اقرب الى الزينة منه الى الاستخدام الحقيقي، وارتفع ثمنه

الذي لم يزد حتى أواخر الستينات من جنيهين ليبلغ الاف الجنيهات في هذه الايام.

لعل الكثيرين يتساءلون

من أين أتى العنقريب، و هل هو سوداني أصيل أم وافد؟!

وما مسمياته عبر الحقب التاريخية في مناطق السودان؟

وهل بدأت صناعة العنقريب كما نراها الآن أم مرت بمراحل أخرى؟

وأي أنواع العنقريب استخدمها القدماء؟

وما المواد التي تدخل في صناعته، وهل سيصمد أمام غزو الأثاث المستورد؟






قد يستغرب الكثيرون من ان هنالك رسالة
ماجستير مقدمة عن العنقريب. للمرحوم د الطيب محمد الطيب: ويذكر فيها ان صناعة العناقريب هى صناعة سودانية أصيلة ونيلية، وإذا نظرنا إلى الآثار المروية والآثار القديمة

نجد فيها العنقريب، وهو ليس دخيلا. وأصل كلمة “عنقريب” أتتنا من شمال السودان فهو “انقري” باللغة النوبية، وحرفت إلى أن أصبحت عنقريب واستعملت في كل مناطق السودان المختلفة، ففي الوسط لم يكن العنقريب مزخرفا بل يصنع من أربع قوائم ويجلد بجلد البقر أو الإبل.





العنقريب

استعمل منذ قديم الزمان، ومن الشواهد على ذلك في عهد السلطنة الزرقاء أن الملك عجيب دعا امرأة اسمها شغبة لتستمتع بالنيل والقرى ولترى سكانها المستقرين فوجدت المنازل لديها أقفال وفيها عنقريب ولم تكن تعرفه فسألت عنه فقالوا لها “هذا عنقريب أو كراب”.




ويواصل الطيب قائلا: لم يكن العنقريب من الماضي يزخرف مثل الآن كما أن صناعته كانت سهلة وبسيطة وهي عبارة عن تخريم بالأرجل ثم يجلد بالجلد. ولكن بمرور الزمن أصبح له صناع في المناطق المختلفة واعتقد أن هناك أشكالا قد أخذت من الأتراك ومن الحجاز مثل “الساج” وهو نوع من الخشب أسود مثل الأبنوس والصندل.


وفي عهد السلطنة الزرقاء والتركية زخرفت عناقريب الملوك من العاج والأبنوس والذهب ودخل عنقريب الحديد الكبير من مصر، واستطاع السودانيون تصنيعه من الخشب. وبنفس الشكل كما استعمل أثرياء وحكام السودان عنقريب الصندل في مختلف العهود.



((تاريخ العنقريب))


في متحف السودان القومي يوجد عنقريب، يقول أمين المتحف إنه وجد في كرمة وهو مصنوع من الخشب وكان يستعمل في حضارة كرمة للدفن الجماعي. وقد وجد بحالة جيدة مدفونا في باطن الأرض مع هياكل لحيوانات وأدوات فخارية. وشكل السرير غريب بعض الشيء عن الأسرة والعناقريب المستعملة حاليا، وله أرجل على هيئة أرجل البقر مغطاة بالذهب الخالص.
ويضيف: إن حضارة كرمة (2000- 1580 قبل الميلاد) هي حضارة سودانية خالصة وهم من أصل الكوشيين وكانت حرفتهم الزراعة بالإضافة إلى مهن أخرى كالتعدين والدليل على ذلك وجود الذهب. وهناك عنقريب آخر موجود في بيت الخليفة الآن وهو كبير جدا وجد في المديرية الشمالية في منطقة ارقو، وهو مستعمل منذ ثلاثمائة عام أو ما يزيد، وهو مصنوع من أجزاء الساقية، واستعمل في خلوة “الشيخ حسن بجة” وكان الدارسون ينامون عليه في الليل.
ويختتم أمين المتحف حديثه قائلا: في فترة حضارة كرمة كانت توجد مجموعة من السرائر، بعضها للناس عامة والبعض منها للحكام والأمراء أو زعماء القبائل. وفي الحضارات الأخرى مثل الدولة المصرية الوسطى والحديثة ونبتة ومروي والمسيحية والإسلام انتشر استعمال العناقريب أو السرائر الخشبية.





ايضا توجد رسالة ماجستيراخرى باللغة الإنجليزية عن العنقريب،


قدمها يوسف حسن في معهد الدراسات الافريقية والآسيوية.



تقول الرسالة: تاريخ الصناعات اليدوية في السودان قديم قدم الإنسان نفسه والأخشاب من المواد التي شاع استعمالها فمنها صنع الإنسان أدواته وأسلحته وأخيرا استعملها في صنع الأثاث. وأصل كلمة عنقريب نوبي وجاءت من الكلمة النوبية “انقيري” ويبدو أن هذه الكلمة ليست لها أصل عربي فصيح، ولكنها استعملت في العامية السودانية.



((عائلة النفيراب)):


أشهر عائلة في صناعة العناقريب هي عائلة النفيراب في مدينة ود مدني، وتتفق روايتان على ان صناعة العنقريب

عرفت منذ الفترة التركية 1820-1883م وأن مصدرها هو أحد الهنود


إلا أن الرواية الأولى تقول


ان صانع العناقريب الهندي قد جاء الى سنار وبدأ في صناعته، ورفض أن يعلمها لأي شخص غيره، إلا أن النفيراب

استطاعوا في غياب الهندي عمل نماذج من الطين لأدوات هذه الصنعة وجاؤوا لود مدني.


وتشير الرواية الأخرى

إلى أن بعض أفراد أسرة النفيراب ذهبوا للحج، وفي جدة وجدوا رجلا هنديا يعمل في صناعة العنقريب، رفض أن يعلمهم أو يريهم أدواته المستعملة، ولكن واحدا من أفراد الأسرة بقي في جدة حتى تمكن من عمل نماذج من الطين لتلك الأدوات، ثم بدأ في صناعة العناقريب.

الفنجري
12-06-2007, 07:30 PM
حبوبتنا العزيزة : نبع الوفاء
و الله ما شاء الله عليك
طبعاً أنا لمن قريت الموضوع اتأكدت انك حبوبة
لكن سألت سؤال : هل الحبوبات دخلوا العولمة و الانترنت ؟ ولا الحاصل شنو
و يا ريت لو الزمن يرجع تاني
بالمناسبة يا حبوبة
الموضوع ممتاز و مبالغة و غاية في الابداع و الروعة




أبشري بالخير ...هييييع


و في الختام تقبلي مروري

نبع الوفاء
02-07-2008, 11:06 AM
لوووووووووووووووووووول

وتااااااااااني لووووووووووول



اي يا الفتجري دخلو عصر العولمة وكدا
هع هع هع



تشكر عالمرووووووور




×××××××



يا هني يا عثلي ما تجي تجاملي اختك في البوثت دا عالى ما تستعدل اموري

honey girl
02-08-2008, 03:45 PM
الــــــــثوبـ & الجلابية & العمة & المركــــوب


http://www.middle-east-online.com/pictures/biga/_20287_sudan-26-12-2003.jpg



‏ينفرد السودانيون مع تعددهم سياسيا وعرقيا ‏بالالتقاء عند نقطة واحدة وهي الزي فهم يلتقون رجالا و نساء عند ما يعرف بالثوب ‏والجلابية الزي المميز الذي يميزهم عن بقية شعوب العالم.

والثوب النسائي والجلابية الرجالية زيان يرمزان للهوية السودانية بكل ابعادها ‏ويمثلان تراثا قوميا لا يتاثر بعواصف الزمن التي اصابت البلاد على مر السنوات ‏الماضية.

ومعروف عن السودان انه بلد متعدد الثقافات والاعراق والاثنيات وكذلك الديانات ‏والشائع هو هذا التعدد اذ لكل قبيلة وجماعة في شتى انحاء البلاد ما يميزها في ‏العادات ‏والتقاليد الاجتماعية تختلف فيها من غيرها و يكاد ذلك يضفي عليها نكهة خاصة سوى ‏كان ذلك في اللهجة او معايشتها للمجتمع.

بيد انه مع هذا الاختلاف الشاسع يبقى الثوب والجلابية هما نقطة النهاية التي ‏يلتقي عندها فهما معا يحتفظان بمعالم الوحدة الوطنية رغم المشكلات السياسية والحرب الاهلية فهما زيان قوميان يجعلان ‏من النساء والرجال في السودان معا الاكثر تميزا وقاسما مشتركا اعظما للتفريق بين ‏السوداني وغيره ممن يشابههم السحنات واللهجات والمنشأ في العالم.‏

ويرى باحثون في التراث السوداني ان اختيار الزي السوداني مواكبا و ملاصقا ‏لمهنة الذي يرتديه وهي التي تشكل الاساس في اختيار الزي فضلا عن المنطقه التي ‏يعيش فيها ويجمعون على انهما الزى القومي الوحيد الذى يؤثر في الجميع و لا يتأثر ‏باختلافهم.

‏و ترى استاذة الازياء في كلية الدراما والمسرح بجامعة السودان زينب ‏عبدالله محمد صالح ان الثوب السوداني قديم يوازي الازياء الخارجية عند قدماء ‏المصريين والاشوريين و تؤكد ان الاثار التي وجدت في الممالك القديمة تشير الى ‏ملابس اشبه بالثوب الراهن.

وقالت "ان الملكة المصرية امنشخيت ‏كانت ترتدي ثوبا اقرب للزي السوداني وان الرسومات التي وجدت تدل على ان الفراعنه كانوا ‏يرتدونه بصورة اقرب الى السودانية مشددة على ان الثوب السوداني هو سوداني بحت و ‏طريقة لفه على الجسد فقط هي التي تميز السودانيات عن غيرهن.‏"

واشارت زينب الى ان كل القبائل السودانية اتفقت على لبس الثوب والجلابية منذ ‏امد بعيد مؤكدة ان هذا الاتفاق اللاارادي حافظ على هوية البلاد وساهم على تماسك ‏وحدتها رغم المحن.‏

وتعترف زينب بوجود اختلافات جزئية بين قبيلة واخرى تجاه لبس الثوب وتوضح ان ‏نساء قبيلة البجا شرق السودان مثلا يلبسن نوعين من انواع الثياب منها الثوب ‏المعروف في كل مناطق السودان والنوع الاخر هو الفوطة وتلبس عن طريق الربط وتلتف ‏في الخصر ثم تلبس بطريقة الثوب وهي تساوي ضعف الثوب العادي ويتم ثنيها ولفها حول ‏الخصر ثم لفها حول الجسم‏.

‏والملاحظ ان نساء البجا يحرصن في طريقة لفهن للطرحة على تغطية جزء ‏كبير من الوجه حتى تظهر عين.

لكن المثقف البجاوي عادل محمود يؤكد ان ذلك له علاقة ‏بعادات و تقاليد البجا وبيئتهم ولوضعية المرأة الخاصة في شرق السودان حيث تكون ‏معزولة تماما عن الرجل.

اما الثوب في شمال السودان فيلبس عن طريق لفه على اليد اليسار اي من اليمين الى ‏اليسار على ان يتم تغطية الراس بما يتبقى من اليمين بعد لفه على الجسد وتحبذ ‏السودانيات في المناطق الشمالية من البلاد الى الالوان الثابتة مثل الاسود ‏والازرق لكن في غربي البلاد فالنساء يلبسن الثوب عكس المألوف اي ينتهي بالايمن ‏ويملن لاختيار الالوان الزاهية والمزركشة والمتناقضة واكثر الخامات المرغوبة ‏عندهن هي البولستر لان سعره اقل.

وبشان الجلابية التي يرتديها الرجال يقول الباحث صلاح الدين عثمان "هنالك ‏العديد من العرب يلبسونها الا انها تكون بالياقة بينما السودانية يميزها عدم وجود ‏هذه الياقة" معتبرا عدم وجود الياقة في الجلابية يعود الى انهم لم يحبوا تقليد ‏المستعمر اضافه الى انها اشبه بازياء النساء.‏

honey girl
02-08-2008, 03:48 PM
نبووووووووووووع ياحبيبة .. ماااااااا اقدر ارفضلك طلب ياعثل ..

وان شااااااءالله المرة الجاية اجيب صور .. الحين مالقيت صور .. حتى لو اصورها ليكي .. هع

مشكورة مرة تانية ع البوست ..

نبع الوفاء
04-16-2008, 03:29 AM
يسلمووووو حووبيشووو

وماااقصرتي خالص

×××××××××

وان شااااااءالله المرة الجاية اجيب صور

هع لا لا شكوووووكرن = شكرا

كفاية الصور الهناك هع
ثان**






بـــــــــــــــــــــــــــــــرب مؤقتا

Ooعيون الرياضoO
04-21-2008, 03:33 AM
اآآ لاف االتتحايا

لكي اختي نبع الوفاء
واختنا المبدعةة هني


فعلا مجهود تشكران عليه


صراحة اكثر شيء اذهلني موضوع (العنقريب)

لم اتوقع البتة ان له تاريخ بهذه الضخامة

كنت اعتبره مجرد ما يسمى عندنا(الحاجة ام الأختراع)


شكرا لكي اخواتي

نبع الوفاء
04-25-2008, 04:59 AM
عيوون الرياض هلا وغلا فيكـ
منور البوست والبوستات المجاورة والله ^_^
واتمنى انك تكون استمتعت بالبوثت
يسلموو يارب

Cute G!rl
05-10-2008, 08:38 PM
ثانكس يا عسل ،،

بالجد في حاجات كتيرة ما كنت عارفاها ..

نبع الوفاء
05-11-2008, 10:16 AM
يسلموووووووووو كويووتا
الله يحييكي يا عثل

روبن هوود
07-04-2008, 04:36 PM
تشكري على مجهودك الراقي

gubbad55
02-16-2011, 08:54 AM
hi hi hi hi hihi hi hi hi hi

gubbad55
02-16-2011, 08:56 AM
hi hi hi hihi hi hi hi hi

معتز السيد
02-19-2011, 11:05 AM
تسلمي بس ورينا وصلتو الى وييييييييييييين في الموضوع دا

كارهة الحب
03-13-2011, 05:31 PM
عادات ما عجباني أبدا ، صح ما بنكر في منها حلوبس يعني كفاية أعتقد أخذت زمنا وزمن غيرا

القيصر السوداني
03-14-2011, 08:32 AM
ادام الله الافراح فى كل بيت سودانى
بس للاسف يانبع الوفاء هذه العادات بدأت فى الزوال رويدا رويدا
ودخلت عادات وتقاليد مابتشبهنا كسودانين رقم انو الاشياء
الذكرتيها دى موجوة حاليا بس مابنفس الفهم بتاع زمان
بقت مشى مشى ماعدا طبعا التجهيزات الخاصة بالعروس
دى اكيد فى بس برضو بقت تتم بصورة مبسطة وبدون اى لمة
ولكى خالص شكرى على السرد الدقيق والجميل
ودمتى بالف خير

batool22
04-24-2011, 11:45 PM
الف شكرا على المعلومات

نبع الوفاء
06-07-2011, 03:20 AM
يديكم العافية على طلتكم
فعلا كتير من العادات بدأت تندثر او اخدت طابع عصري معدل عن الطابع الاول
بس برضو ما زالت الطقوس السودانية ليها طابع خااااااااااص جدا بالرغم من التغيير الحصل دا

الباسم
05-17-2012, 06:39 PM
والله موضوعك مميز وشامل مشكووورة كيانبع الوفاء ولك التحية

الحاج متولي
09-24-2012, 10:34 PM
مشكووووووره

فاطمه بلدو
08-09-2013, 12:55 AM
جد طرح جميل وسرد اجمل

استمتعت بالقراءه وفي حاجات كانت تايهه عننا


جزاك الله خييير