المساعد الشخصي الرقمي

مشاهدة النسخة كاملة : كلمات الاغانى جمال فرفور


نون
11-01-2006, 05:16 PM
لا بعدك بفرحني لا قربك بريحني
في الحالتين أنا ضايع ما لاقي اللى ينصفني
أقول أنساك أفوت لي دنيا ما دنياك
يسرح قلبي في ذكراك تاني الشوق يرجعني
أتعب و أشقى برضي معاك
في الحالتين أنا ضايع و مالاقي البينصفني
لابعدك بفرحني
سنين والحزن مالكني
لمن قلت أنسى هواك أشوف غيرك ينسيني
لقيتك انت في قلبي
انت زاد دربي بعدك ما بفرحني
قربك ما بريحني في الحالتين انا ضايع
ومالاقي البينصفني لابعدك بفرحني
أتخاصمنا كم مرات واتراجعنا كم مرات
أتعاهدنا ننسى الفات
نطوي الماضي في صفحات
صفحة جديدة ما تكمل ترجع تاني تجهلني
لا بعدك بفرحني

لــــدن
11-01-2006, 07:08 PM
أعذريني
أعذريني الدمعة ديّه...حتبقى آخر دمعة ليّه
تاني لو قربت منك.....يبقى ليك الحق عليّ
أعذريني محال أعاود....تاني ريدتك وأمشي ليها
ولا أرحل في عيونك....والطفولة الضاجّة فيها
كيفك أريدك وانتي أصلك....ريدتي ما حسيتي بيها
بالبعاد ما تعذبيني......أعذريني وأعذريني
ما قدرت مرة واحدة......بالغلط أغلط عليك
وانتي عمرك كلو ظالمة.....والدليل غفراني ليك
عارفو قلبك ما معاي.....برضي شاغل قلبي بيك
بالحنان ما تعشميني......أعذريني وأعذريني
من زمان وأنا راجي منك....كلمة بيها تفرحيني
وانتي ما فرحت قلبي......كنت ديمة تجرحيني
قسمة الزول ما بتفوتو....والبجيني معاك بجيني
لو بكت منك عيوني......سامحيها وأعذريني

mugrn
11-01-2006, 10:32 PM
شكرا علي الكلامات الجميلة
ومنتظرين البقية

مع تحياتي
المقرن

نون
11-02-2006, 09:38 AM
--------------------------------------------------------------------------------

عيش معايا الحب


عيش معاي الحب عيش معاي حناني
خليني أنسى سنين عشتهم وحداني

إيه يضرك تسأل يوم علي يا غالي
وإنت وحدك عارف همي عارف حالي

كيف أواصل صبري في الطريق الخالي
كيف بدونك تصبح اليالي ليالي

أنا كنت دايما ً بصبر مهما البعاد أضناني
في قلبي إنت بتكبر تكبر معاك معاني

برجى الأيام وستنى أمالي بين نيراني
والهجر مهما يألم يرجع حنانك تاني

لو كان جفيتني خليتني وحدي برايا
مع ليلي الوحدة والشوق حنينو معايا

ما بسيبو غرامك رضيان معاك بشقايا
وقت الطريقك يوصل أعرف نهايتة خطايا

.................................................. .................................................. ......

الريده خوه



جيت تقول الريده خوه آه

جيت تقول الريده خوه بعد ما خلخلت قلبي و فيني ما خليت مُرُوَه

خوه ايه بتبكي سيدا و خوه بتسهر ليالي الاّ دي الخوه الجديده

و الكلام القلنا سوا بي دموع الشوق كتبتوا

و الزمن شن فينا سوا ؟؟

انت ما زولي العرفتو و الوداد

ما بدورلو قوه

و البفوز بي هواك بختو

جيت تقول الريده خوه آه

جيت تقول الريده خوه بعد ما خلخلت قلبي و فيني ما خليت مروه
.................................................. .................................................. ..
المشكله

الروح تروح ما مشكلة ..

تزيد جروحى علي جروح ما مشكلة ..

ينسى الفراش عطر الربيع ما مشكلة ..

ينسى الوديع صوت الوديع ما مشكلة ..

الشاري لو فكر يبيع لو ضاعت الاعمار تضيع ما مشكلة ..

لاتبين شمس لايهل قمر ما مشكلة ..

يبقى السحاب من غير مطر ما مشكلة ..

يرموني في نص البحر تجيبو لي الناس خبر ما مشكلة ..

لو هز صمت الليل برق ما مشكلة ..

والقاش رحل خلا الشرق ما مشكلة ..

لو عمري بالشوق يحترق لو رحت ما جبت الفرق ما مشكلة ..

الدنيا تبقى بدون جليس ما مشكلة ..

تبقى الليالي بدون ونيس ما مشكلة ..

وتنسى ليلى حبيبا قيس ما مشكلة ..

وتنسى العروس اسم العريس ما مشكلة ..

المشكلة

ريدتك بقت هى المشكلة



ادينى حل للمشكلة ..!

.................................................. .................................................. ..
انساك

ولقينا في دنيا العيييييييون يا اغلى من النور غنا
سافرنا في دنيا العييييييون يا اصبا من النور غنا

فوق من رشاقة وامسيات باقات انيقة ملونة
الحان طروبة وشوشات أحرف موسيقى ودندنة
مالت قلوبنا عليك حنااااان تسلم عيونك ذوبتنا


انساك انت انت بتتنسي
ما انت روحنا وحبنااااا
سافرنا في عينيك ولسة.. قلوبنا بيك متجننة

طار المسا والكون صبح
عشاق جمال اتاملوا
كل الحروف الفي الخيال بي لهفة جات وما غلوا
حتى القمر حلولو النجوم... اتلفو فيك اتغزلوا

قالوا الجمال يا غالي بيك كانت نهايتو و أولو
نحنا في هواك يا غاااااالي لا.. لا بنطيق بعاد لا بنحملوا
اصلو المحبين الحناااان.. لا بنسوا لا بتحولوا


انسااااااااك.. انت انت بتتنسي
انساااااااااك.. يا غالي انتا بتتنسي
ما انت روحنا وحبنا.. سافرنا في عينيك ولسة.. قلوبنا بيك متجننة

.................................................. .................................................. .
((أعذريني))

********************

أعذريني الدمعة ديّه...حتبقى آخر دمعة ليّه....
تاني لو قربت منك.....يبقى ليك الحق عليّ....

أعذريني محال أعاود....تاني ريدتك وأمشي ليها..
ولا أرحل في عيونك....والطفولة الضاجّة فيها....
كيفك أريدك وانتي أصلك....ريدتي ما حسيتي بيها..
بالبعاد ما تعذبيني......أعذريني وأعذريني.....

ما قدرت مرة واحدة......بالغلط أغلط عليك.....
وانتي عمرك كلو ظالمة.....والدليل غفراني ليك...
عارفو قلبك ما معاي.....برضي شاغل قلبي بيك.....
بالحنان ما تعشميني......أعذريني وأعذريني.....

من زمان وأنا راجي منك....كلمة بيها تفرحيني.....
وانتي ما فرحت قلبي......كنت ديمة تجرحيني......
قسمة الزول ما بتفوتو....والبجيني معاك بجيني....
لو بكت منك عيوني......سامحيها وأعذريني

(((((((( والقادم احلى)))))))

نون
11-02-2006, 09:42 AM
أجسامنا ليه جسمين ..
روحنا واحده وكيف اتقسمت قسمين
شي عجيب في غرامك يافريع ياسمين
أنا يا حبيبي تجدني على هواك أمين
وما بيعجز عن أفكاري في التخمين
حواسي تحسد نظري في حسنك منتظمين
شمالي تاخده الغيره اذا جلست يمين
من المنام ما معاي ولا السته من ستين
عندي التلت من عقلي وعندك التلتين
سايقاني بسمة فاهك در عقيد ومتين
لولاها مالي صالح في الظلال والتين
يالفريد في ظرفك زي صداقتك وين
ما أظن تكون ولا بدعت قبل في التكوين
يامن أسرت فؤادي ملكته في اليدين
ياملفت الأنظار يا ناير الخدين
نحن الجميع مادمنا قلوبنا متحدين
تبقى الصداقه قرابه ونكسب الودين

نون
11-02-2006, 09:42 AM
خلي القسوه



ما قلنا ليك خليها
النظره دي خليها
اللفته دي خليها
القسوه ما تسويها

عارفينا طبعك لين
واصلك عطوف وحنين
بين حنانك لي
ارواحنا ما تجافيها

البسمه زايده حلاتك
والرقه احلا صفاتك
الجفوه ما من ذاتك
ما بتشبهك خليها

انت الامل والمنيه
ضحكاتك اجمل غنيه
يا احلا زول في الدنيا
وكل الحنان الفيها

عارفني لمن تزعل
والله ما بتحمل
احوالي ليك تتبدل
يبقى الحزن كاسيها

ازيد وازيد في حبك
وافرش ورود في دربك
اقول احنن قلبك
ديارنا تاني تجيها

خليك معاي واتدلل
للفرقه ما تستجعل
ده البينا ما بتحول
لو كنتا يوم ناسيها

اهديك غناي للذكرى
خليهو زاد لي بكره
اصلو الغرام والفكره
انك تكون حاسيها

ما قلنا ليك خليها
النظره دي خليها
اللفته دي خليها
القسوه ما تسويها

نون
11-02-2006, 09:43 AM
مشكلة
إسحاق الحلنقي

الروح تروح ما مشكلة ..
تزيد جروحى علي جروح ما مشكلة ..
ينسى الفراش عطر الربيع ما مشكلة ..
ينسى الوديع صوت الوديع ما مشكلة ..
الشاري لو فكر يبيع لو ضاعت الاعمار تضيع ما مشكلة ..
لاتبين شمس لايهل قمر ما مشكلة ..
يبقى السحاب من غير مطر ما مشكلة ..
يرموني في نص البحر تجيبو لي الناس خبر ما مشكلة ..
لو هز صمت الليل برق ما مشكلة ..
والقاش رحل خلا الشرق ما مشكلة ..
لو عمري بالشوق يحترق لو رحت ما جبت الفرق ما مشكلة ..
الدنيا تبقى بدون جليس ما مشكلة ..
تبقى الليالي بدون ونيس ما مشكلة ..
وتنسى ليلى حبيبا قيس ما مشكلة ..
وتنسى العروس اسم العريس ما مشكلة ..
المشكلة
ريدتك بقت هى المشكلة
أدينى حل للمشكلة

نون
11-02-2006, 09:44 AM
انت مافي .
اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي

نون
11-02-2006, 09:45 AM
روحي ملكك ولا ملكي
سيبني أبكي..سيبني أشكي
غير تبكي الناس وحاتك
عمري ما شفتك بتبكي
لو تجيب القمرة ليا
والشمس ما بين ايديا
مستحيل تقبل عينيا
ترضى من عندك أسية
تبقى واهم لو تفكر تاني تتحكم عليا
ليك زمانك ولي زماني
انت مالك ومال حناني
وليه عليك أبني الأماني
الأماني مضيعاني
سيبني وحدي مع دموعي
أبكي مرة و أبكي تاني
خوفي يا ظالم حبيبك
دمعة المظلوم تصيبك
أحسن أبعد من طريقك
وأقفل الباب البجيبك
و لو بكيت خليني أبكي
ومن دموع عينيا سيبك
روحي ملكك

sadig202
02-18-2007, 03:18 PM
برضو نون اختيارك جميل

محمد صلاح الضو
03-26-2007, 12:59 PM
أعذريني الدمعة ديّه...حتبقى آخر دمعة ليّه....
نون يديك العافيه يا رب واختيار في محلو

be easy
05-04-2007, 10:16 PM
شكر نون على الكلمات وما عدمناك

دلـ الناوي ـع
03-19-2008, 09:08 PM
طبعا انا اشتركته في المنتدى بث عشان شفته الصفحه دي
لي حوبي الابدي فرفور

طبعا كل الاغاني الكتبتوها روعه وابدااااااااااااااااااااع

وبديكم كم غنيه انا كمان


( صفق العنـــب )


على صفق العنب اسميــن
كتبناهم بدمع العيــن
ومرت بينا غيمة فرقة
واتفارقنا مجبوريــن
ولمــا رجعنا من غربتنا
فرحانين مع العايديــن
لقينــا الريح محت ذكــرى
بكيــنا على ضيــاع اسميـن
كتبناها الاسامي زمان
واشهدي يا ضفــاف النيـل
طفولتنا القضيناها
زغاريد فرحة شاقة الليل
سنينا تضوي بالآمال
وكــل العشنا زاهــي جميل
ماشيــن في دروب الريــد
نغنــي والأماسي تشيــــل
جاتنــا الفرقة زايرة ديارنا
في ليلة اللي ما بتنــدار
مدت ايــدا شالت زهــرة
كانت ضاوية ساحة الــدار
خلت بيتــنا لا ضو شمعة
لا حــس فرحة لا نــوار
سواقيــنا الحنــينة بكت
علــى الريـــد الولفــنا صغــار
كبرنـــا الليــلة جيــنا نشــوف
حكاية حزيــنة لي قلبيــن
كنا زمان رسمناهم على صفق العنب اسمــين

عـاشقة الوطن
10-18-2008, 11:40 PM
مشكوووورة يانون بصراحة عرفتي تختاري احييييك
تحيااتي ..

تهاني موسي
11-09-2008, 02:08 PM
دقوووووووووو التحية اصلي زغاويــــــــــــــــــــــــــــــــــــــــة ( وافتخر ):kkk:

المستبد H
02-12-2009, 11:01 PM
سلام يا حلوين






يديك العافية على الموضوع





وسلمت اناملك







ولا حرمنا جمال مواضيعك











ومودتى تسبق طلتى














اخووووووك المستبد

المهجور
03-28-2009, 09:08 AM
أستسمِحُ الآنسة : نــون : عُـذراً على هذه المداخلة و لكن

أحببت إضافة أغنية جميلة أتدندن بها دائماً للجميل و المبدع : جمال فرفور

الأ و هي أغنية : [ أعمل شنو ] ....

أعمل شنو في ريدي أكتر من العاملو
أعمل شنو في عينيك لا بهادنو لا بجاملو
أعمل شنو ......

سهر العيون هين بصبر عليهو سنين
و الدمعه لو سالت بتوري شوق العين
و أنا في هواك ح أكون أيوب جديد لمتين
بس إنتي كيف ترضي و كل العليكي يهين
أعمل شنو ......

ما قلنا من أول لا من نريد بنريد
و أنا من زمان عارف وجع المحبة شديد
بس إنتي ريدك كمان رغم الوجع بيزيد
و أنا كيف أشوف عينيك لو من بعيد لبعيد
أعمل شنو ......

الليل عشان عينيك سهر قناديلو
بكى من حنينو سنين بلل مناديلو
فاقدين حنانك يا أملي البناديلو
أنا و القمر ساهرين يحيكلي و أشكيلو
أعمل شنو ......

أعمل شنو في ريدي أكتر من العاملو
أعمل شنو في عينيك لا بهادنو لا بجاملو
أعمل شنو ......

شكراً على جهودك النبيلة و على هذا البوست الجميل

تقبلي مروري و تقديري و كامل إحترامي يا أختاه

أخوكِ في الله / المهجور

ولد هندسة
05-03-2009, 05:41 PM
تقبلي مروري
ولك التحية علي هذه الروائئئئئئئئئئئع
وبالجد ربنا يعافيك
والله اجمل ما في المنتدي
مع احترامي للبقية
بس لاني من محبببببببببي فرفور


"""" عاشق فرفور """"""""""""""