المساعد الشخصي الرقمي

مشاهدة النسخة كاملة : الملل .............الملل


حروف مبعثرة
11-07-2009, 08:40 PM
امسيتو كيف يا جماعة عايزين نفتح موضوع بقى متكرر جدا الملل هل انتو بتعانو من الملل والزهج والقرف ولا كيف يا جماعة بصراحة بقت ما فى حاجة مشجعة البلد كل يوم ماشيا من سي الى اسوا والاحوال زى ما شايفين الحل شنو فى الموضوع:sad::asd: انتو معاى ولا انا براى ؟؟؟؟؟ مافى شغل ؟؟؟؟ مافى شى جديد نعمل شنو عشان نطلع من دوامة الاكتئاب دى ؟؟؟:imp:

iuvpns_wi
11-07-2009, 11:25 PM
اخد ليك لفه في شارع النيل او امشي عوم في البحر او امش العب كوره
تلقي الزهج تلقائيا قد
اسأل مجرب

رجاء علي
11-08-2009, 12:33 AM
الملل مشكله كبيره بالنسبه للانسان ولكي نتخلص منه نحاول ان

تغير من نمط حياتنك وتكثر من الصلاة لانها بتريح وتهدي نفسك

وبتريحك شويه ، واذا كنت بتقرأ وحسيت بالملل اطلع للشارع

واتنفس هواء جديد او امشي اشرب كباية عصير او شاي المهم

غير من وضعك ، واذا شعرت بالملل قوم بترتيب حاجاتك مثل الكتب

او الملابس او ترتيب غرفتك، لطرد الملل اغسل وجهك او استحمي بماء

بارد لطرد الكسل و لطرد الملل تحدث مع احدي والديك او اخ او اخت محبب ليك

او اتصل بصديق المهم ما تفكر كتير وحاول اشغل نفسك باي شيء مفيد .

اتمني ان تستفيد من كلماتي ويزول منك الملل .


ام وائل

dedo a5
11-08-2009, 01:30 AM
اخد ليك لفه في شارع النيل او امشي عوم في البحر او امش العب كوره
تلقي الزهج تلقائيا قد
اسأل مجرب

ياتعمل كده or
مهما كان في ملل حااول بقدر الامكن تعمل المكان اللي انت فيهو ما ممل باي طريقة ويديك العافية

smooke
11-08-2009, 04:10 AM
الكلام دي مهم يا البتمل وبتزهج بعيد عن الديين من رائي الزهج و الحزن والالم و الصفات المعاكسه مربوطه مع الانسانيعني لو ما حزنتا بتعرف قيمت الفرح والسروور لو ما مرت بيك لحظات زهج حتمر بيك لحظات مثيره---الخ:asd::hapy:

زهرةالعلا
11-08-2009, 08:03 AM
فى البداية اسال الله العظيم ان يهون عليك فرصة عمل وعليك اخى الاكثار من الصلوات واهم شئ قراءة والدعاء بان تشتغل انشاء الله ومن يتقى الله يجعل له مخرجا تانى ممكن تخش كورسات تدريبية تانى ممكن تعمل مشروع بحث عن موضوع فى الانترنت الان انا شايفة الوقت بجرى مافى زمن غشان الزول يمل وتمنى ان تفيدك عباراتى وتقبل مرورى

نورالكون
11-08-2009, 10:13 AM
الحمد لله ، والصلاة والسلام على رسول الله ، أما بعد :
في ظل اهتمام الحضارة المعاصرة بالناحية الجسدية من الإنسان ، وبسبب ضغط الواقع المادي الذي يعيشه أكثر الناس اليوم ، ولضعف صلتهم بربهم وطاعتهم له .. انتشرت ظاهرة غريبة في حياة المسلمين ألا وهي : ظاهرة الملل والسآمة ، والشعور بالضيق والضجر.. والتي أصبح لها وجود نسبي يقل ويكثر لدى الكبير والصغير ، والذكر والأنثى ، وصار كل واحد منهم يعبر عنها بأسلوبه الفريد ، وطريقته الخاصة .
مظاهر هذه الآفة :
ولعلنا إذا تأملنا بعض التصرفات والسلوكيات التالية رأينا أن من أسباب التعلق بها والإدمان على بعضها ، ما يعيشه أحدهم من آثار تلك الظاهرة الجديدة .. وذلك من مثل:
1- سماع الاغاني والموسيقى. 2- ممارسة عادة التدخين. 3-التفحيط والتسكع في الشوارع والأسواق. 4- مشاهدة القنوات الفضائية والإدمان عليها . 5-الهروب يوميا إلى الاستراحات مع الزملاء والأصدقاء. 6- كثرة النوم وحب الراحة والكسل. 7-العزوف عن القراءة الجادة إلى قراءة الجرائد والمجلات الهابطة. 8- الثرثرة بالهاتف لغير فائدة أو للإساءة للآخرين. 9- إهمال الطالب مذاكرة دروسه وضعف الاستعداد للاختبارات. 10-الإسراف في ممارسة الرياضة وقراءة جرائدها ومجلاتها .11- كثرة الأسفار والرحلات للترفيه البريء وغير البريء. 12-الانصراف عن العمل الجاد والمثمر بأي أسلوب وطريقة . إلى غير ذلك من العلامات التي تدل على وجود هذه الظاهرة .
من آثار هذا الظاهرة :
وقد يستهين البعض بأمر هذه الآفة ، ويرى أنها أمر لا مناص من الإنفكاك عنه ولا علاج لها ، آفة أنه ليس لها ذلك الأثر الذي يستحق الحديث عنه .
ولكن لو بحث أحدهم بكل صدق وموضوعية عن آثارها السلبية في عدد من جوانب حياته لرأى أن لها آثارا كثيرة ، نذكر منها أربعة :
أولا : ضياع كثير من الخير والطاعة : وذلك أن الذي يشعر بالملل والسآمة والضيق والضجر، تراه لا يستطع القيام إلا بالواجبات من دينه فقط، وعلى تقصير وتفريط فيها، أما غيرها من نوافل الطاعات وأبواب الأجر والثواب كالمحافظة مثلا على السنن والرواتب، أو القراءة المفيدة ، أو القيام بواجب الدعوة أو غير ذلك، فإنك سترى حجته في عدم إتيانه بها والمحافظة عليها أنه ليس له فيها مزاج أو أنها سنة فقط ولكن تجده بالمقابل عندما تتهيأ له برامج الترفيه والتسلية ، ومناسبات الطعام والشراب فإنه يكون أول المسارعين والمشاركين فيها ، بل والغاضبين إذا لم يدع .
فانظر إلى آثار هذه الآفة على هذا الإنسان وكم فوتت عليه من مواسم الخير وأبواب الأجر؟
ثانيا : حدوث الفشل أو بعضه في تحقيق الآمال والطموحات :
حيث إن هذه الآفة تجعل صاحبها ينصرف عن الجد والاجتهاد، والحرص والمتابعة، والاهتمام بتحقيق كثير من الطموحات العلية التي يسعى لها كل إنسان فمثلاً : إن كان طالباً قصر في دراسته، وإن كان موظفاً أهمل في أداء واجبه، وإن كانت زوجة فرطت في حق زوجها وأولادها وبيتها ..
وهكذا تتساهل فئات كثيرة من المجتمع المصابة بهذا الداء عن الأخذ بأسباب النجاح والتفوق الدنيوي في وقته ، ويكسلون عن البذر والزرع في أوانه ، منشغلين عن ذلك باللهو والترفيه لهذه النفس المضطربة، موسعين صدورهم بما لا يجدي ولا ينفع من البرامج ، فاذا جاء زمن الحصاد وقطف الثمار لم يجدوا شيئاً، أو حصلوا على ثمرة رديئة، أو معدلاً منخفضاً، لا يؤهلهم للمستوى الذي يطمحون إليه ، ولا للمستقبل الذي يتمنونه ، وعندها يشعرون بشيء من الحزن والأسى، عندما لا ينفعهم ذلك لفوات وقته .


خالص ودي واحترامي الي شخصك حروف مبعثرة علي الموضوع الهادف

لاميرو
11-08-2009, 05:25 PM
اخد ليك لفه في شارع النيل او امشي عوم في البحر او امش العب كوره
تلقي الزهج تلقائيا قد
اسأل مجرب

الزول يقول ليك اكتئاب
تقول ليهو نيل و بحر يا سودانى
انت بتحرض الناس على الأنتحار و لا شنو ؟؟؟

يا أخوى الزهج دا الا تلف ليك سجارة
.......لا لا ما تفهمنا غلط سجارة حمراء ساااى
و تشرب ليك كوز موية ساااااااقط من الزير
و تتكرع كااااااااااااااااااااااااااااااااااااااااااااااااا اااع
و تقول احمد الله الجابنى ولد ,,

بالجد كدا اقرأ قرآن و ادعوا لينا معاك بالهداية ,,

شيطان الانس
11-08-2009, 05:52 PM
من الجامعة ناجز من الاجازة تغير البلد برضو زهجان انا ما عارف لاكين الشباب بكرة عاملين رحلة لي الرميلة ولمن لا يعرف الرميلة هي منطقة سياحية على نهر عطبرة يمكن حسرتي تتفكها

































































شباب ما ىتكونوا فهمتوني غلط لانو الرميلة مشهورة بانو الناس بيموتوا فيها يمكن اغرق ولا تلاقيني سمكة كهرباء تصقعني ادعوا لي انوا زهجي يفوت

حروف مبعثرة
11-08-2009, 07:24 PM
الله يعدل الحال والصبر ....... الصبر

همس
11-10-2009, 01:21 AM
الزهج موجود
والملل متوفر
بس ماعشان زي مافلت البلد ماشه لورا
بالعكس البلد ماشه لقدام
والحمد لله
بس الحاجات دي بتزول بحاجيتن واحتمال تلاتة
مجربات يعني

قوم اتوضأ وصلي ركعتين لله
وأقرا ليك حبة قرآن
تأكد تماما

أي شئ بزول

ولا كتر من الصلاة على النبي صلي الله عليه وسلم
واي شئ بالاستيكة بتمحي